- રવાને દહીંમાં પલાળીને કરો બેટર તૈયાર
- બજારમાંથી ખીરું લાવવાની નહીં રહે ઝંઝટ
- ડુંગળી, ટામેટા, કોથમીરથી બનેલા ઉત્તપમ રહેશે બેસ્ટ
કહેવાય છે કે હેલ્ધી અને ટેસ્ટી બ્રેકફાસ્ટ દિવસની સારી શરૂઆત માટે જરૂરી છે. જો તમે પણ સવારમાં હેલ્ધી બ્રેકફાસ્ટ કરો છો તો આખા દિવસ માટે તમારી એનર્જી બની રહે છે. બ્રેકફાસ્ટમાં તમે ગરમાગરમ અને એકલ દોકલ વાનગીઓ ટ્રાય કરી શકો છો. આજે આપણે બનાવીશું ટેસ્ટી અને ચટપટા મીની રવા ઉત્તપમ. આ ઉત્તપમ બનાવવા માટે તમારે ખીરું લાવવાની ઝંઝટ રહેશે નહીં. તમે ઘરે જ અડધો કલાકમાં તેને તૈયાર કરી શકશો. તો જાણો કઈ સામગ્રીની મદદથી તમે હેલ્ધી નાસ્તો તૈયાર કરી શકો છો. જાણી લો સરળ રેસિપિ અને બનાવો ઘરે. બાળકોને આ પ્રકારના બ્રેકફાસ્ટ વધારે પસંદ આવે છે. તો કરી લો તૈયારી.
સામગ્રી
-1 કપ રવો
-1 કપ દહીં
-2 ટીસ્પૂન આદું છીણેલું
-2 નંગ ડુંગળી સમારેલી
-1 નંગ ટામેટું સમારેલું
-3 નંગ લીલા મરચાં સમારેલા
-1 નાની ઝૂડી કોથમીર
-2 ટીસ્પૂન તેલ
-મીઠું સ્વાદ અનુસાર
રીત
સૌપ્રથમ એક પેનમાં રવાને શેકી લો. ત્યારબાદ તેને ઠંડો થવા દો. ઠંડો થાય એટલે તેને એક બાઉલમાં લઈને તેમાં દહીં, મીઠું અને આદું નાંખીને બરાબર મિક્સ કરી લો. જરૂર પડે તો થોડું પાણી ઉમેરો. આ મિશ્રણને અડધો કલાક માટે ઢાંકીને મૂકી રાખો. આ દરમિયાન ડુંગળી, લીલા મરચાં, કોથમીર અને ટામેટાંને ઝીણા સમારી લો. હવે એક નોનસ્ટિક પેન ગરમ કરો. પેન ગરમ થાય એટલે તેમાં થોડું તેલ પાથરો. હવે તૈયાર કરેલા મિશ્રણને પાથરો. તેના પર તૈયાર કરેલ મિશ્રણ પાથરો. ઉત્તપમને બંને બાજુ ગોલ્ડન બ્રાઉન રંગનું થાય ત્યાં સુધી શેકી લો. તૈયાર મીની ઉત્તપમને સર્વિંગ પ્લેટમાં લઈને ગરમા-ગરમ સર્વ કરો. તમે આ ઉત્તપમને નારિયેળની ચટણી, લીલી ચટણી, લસણની ચટણી અને સોસ સાથે કે પછી સાંભરની સાથે પણ સર્વ કરી શકો છો.
