- માલદીવના રાષ્ટ્રપતિ મોહમ્મદ મુઈજ્જુ ફરી એકવાર ચર્ચામાં
- મેલીવિદ્યાને લઈ માલદીવના રાષ્ટ્રપતિએ પોતાની જ મંત્રી સામે લીધા પગલાં
- માલદીવના પર્યાવરણ અને ઊર્જા મંત્રાલયનાી મંત્રી ફાતિમા શમનાઝની ધરપકડ કરાવી
મોહમ્મદ મુઈજ્જુ જ્યારથી માલદીવના રાષ્ટ્રપતિ બન્યા છે ત્યારથી તેઓ ચર્ચામાં છે. મુઈજ્જુ ચીનની નજીક હોવાનું કહેવાય છે. જેના કારણે તેઓના પર ચીનના ઈશારે ભારતનો વિરોધ કરવાનો આરોપ છે. આવી સ્થિતિમાં ફરી એકવાર મુઈજ્જુ ફરી એકવાર ચર્ચામાં આવી ગયા છે. તેઓએ પોતાના જ મંત્રી પર મેલીવિદ્યાનો આરોપ લગાવ્યો છે. આમ કરવાના આરોપમાં, મુઈજ્જુએ તેના પર્યાવરણ અને ઊર્જા મંત્રાલયના રાજ્ય મંત્રી ફાતિમા શમનાઝ અલી સલીમની પણ ધરપકડ કરી કરાવી છે.
મુઈજ્જુએ શમનાઝ પર પહેલા તેની પાસે આવીને તેના પર મેલીવિદ્યા કરવાનો આરોપ લગાવ્યો હતો. પોલીસ પ્રવક્તા અહેમદ શિફાને આજે પુષ્ટિ કરી હતી કે શમનાઝ અને અન્ય બે માણસો સામેના આરોપોની તપાસ કરવામાં આવી રહી છે. પોલીસે જણાવ્યું હતું કે ત્રણેય પુરુષોની રવિવારે ધરપકડ કરવામાં આવી હતી અને હુલહુમાલે મેજિસ્ટ્રેટ કોર્ટ દ્વારા તપાસ બાકી રહીને સાત દિવસની કસ્ટડીમાં મોકલવામાં આવ્યા હતા. જોકે, પોલીસે આ કેસ અંગે કોઈ માહિતી આપવાનો ઈન્કાર કર્યો છે.
તમામ મુદ્દામાલ જપ્ત કરાયો
શમનાઝની ધરપકડ કરતા પહેલા તેના ઘરની તલાશી લેવામાં આવી હતી. આ દરમિયાન કેટલાક સામાન પણ જપ્ત કરવામાં આવ્યા હતા. શમનાઝ રાષ્ટ્રપતિ કાર્યાલયના મંત્રી એડમ રમીઝની પૂર્વ પત્ની છે. તેમને ત્રણ બાળકો છે, જેમાંથી સૌથી નાનું બાળક એક વર્ષથી ઓછું છે. જો કે, આ કેસમાં રમીઝ સામે કોઈ આરોપો દાખલ કરવામાં આવ્યા નથી. રાષ્ટ્રપતિ મુઇઝુએ પદ સંભાળ્યા પછી તેમણે તે પદ પરથી રાજીનામું આપ્યું હતું, ત્યારબાદ તેમની નિમણૂક રાષ્ટ્રપતિના સત્તાવાર નિવાસસ્થાન મુલિયાજ ખાતે કરવામાં આવી હતી, પરંતુ તાજેતરમાં પર્યાવરણ મંત્રાલયમાં તેમની બદલી કરવામાં આવી હતી.
