- મણિપુરમાં કુકી અને મીતેઈ સમુદાય વચ્ચે ઘર્ષણ યથાવત
- હિંસાખોરો હવે સુરક્ષા દળોને જ નિશાન બનાવ રહ્યાં છે
- મણિપુર રાઈફલ્સ જવાન શહીદ, હિંસાખોરોએ ગોળીબાર કર્યો
મણિપુરમાં હિંસા અટકી રહી નથી. હિંસાખોનોના હુમલામાં બે પોલીસ જવાનો સહિત ત્રણના મોત થતાં બુધવારે મણિપુરની સરકારે કેન્દ્ર સરકારના ગૃહ મંત્રાલયને પત્ર લખ્યો હતો. મણિપુરના મોરેહની ઘટનાને લઈને મહિલાઓએ ઈમ્ફાલમાં મશાલ લઈને વિરોધ માર્ચ કાઢી હતી. સ્થિતિ જોઈને મણિપુર સરકારે કેન્દ્રને પત્ર લખીને મદદ માંગી છે.
તોફાનીઓ સરક્ષા દળોને જ નિશાન બનાવે છે
મણિપુરમાં ગયા વર્ષના મે મહિનાથી આગચંપીની ઘટનાઓ બંધ થવાનું નામ નથી લઈ રહી. અહીં કુકી અને મીતેઈ બે સમુદાયો વચ્ચે તણાવ છે. હિંસા રોકવા માટે વિવિધ સ્થળોએ સુરક્ષા ચોકીઓ લગાવવામાં આવી છે, પરંતુ હવે તોફાનીઓ સુરક્ષા દળોને જ નિશાન બનાવી રહ્યા છે. ગયા બુધવારે તેંગનોપલ જિલ્લાના મોરેહમાં હિંસાખોરોએ પોલીસ ચોકી પર હુમલો કર્યો હતો, જેમાં બે સુરક્ષાકર્મીઓ સહિત ત્રણ લોકોના મોત થયા હતા. આ સિવાય બે અન્ય સુરક્ષાકર્મીઓ ગંભીર રીતે ઘાયલ થયા છે.
ઈમ્ફાલમાં મહિલાઓએ વિરોધ પ્રદર્શન કર્યું હતું
મોરેહમાં બનેલી આ ઘટનાના વિરોધમાં મણિપુરના સીએમ સચિવાલયની સામે ઘણી મહિલાઓએ મોડી રાત્રે પ્રદર્શન કર્યું હતું. સ્થાનિક મીરા પાઈબી જૂથોએ ઘટનાને વખોડીને મશાલ રેલી કાઢી હતી. તેમના હાથમાં મશાલ ધરાવતા મહિલા વિરોધીઓ માલોમ, કીશમપત અને ક્વાકીથેલ વિસ્તારોમાંથી એકઠા થયા હતા અને સૂત્રોચ્ચાર કરતી મશાલ રેલી કાઢી હતી.નવેમ્બરમાં ધરપકડ કરી હતી
બે દિવસ પહેલા જ કાર્યવાહી કરી હતી
સુરક્ષા ચોકી પર આ હુમલો મણિપુર પોલીસ અને કેન્દ્રીય સુરક્ષા દળોની સંયુક્ત ટીમ દ્વારા બે દિવસ પહેલા કરવામાં આવેલી કાર્યવાહી બાદ થયો છે, જેમાં કુકી સમુદાયના હિંસાખોરોની ધરપકડ કરવામાં આવી હતી.
એક કુકી મહિલાનું મોત થયું હતું
આ હુમલામાં સિદ્ધાર્થ થોકચોઈમ (ASI) અને કોન્સ્ટેબલ ભીમ સિંહ અને 5મી મણિપુર રાઈફલ્સના રાઈફલમેન થોકચિયોમ નાઓબિચા ઘાયલ થયા હતા. આમાં શહીદ થયેલા જવાનોને એરફોર્સના હેલિકોપ્ટર દ્વારા લાવવામાં આવ્યા હતા. દરમિયાન, કેન્દ્રીય સુરક્ષા એજન્સીઓ સામે વિરોધ દરમિયાન આસામ રાઇફલ્સ કાસ્પર દ્વારા કથિત રીતે હુમલો કરવામાં આવ્યા બાદ એક કુકી મહિલાનું પણ મૃત્યુ થયું હતું.
મણિપુર પોલીસે શું કહ્યું?
આ હુમલા અંગે મણિપુર પોલીસે કહ્યું હતું કે તેંગનોપલ જિલ્લાના મોરેહમાં બદમાશોએ રાજ્ય દળો પર હુમલો કર્યો હતો. જેમાં 6ઠ્ઠી મણિપુર રાઈફલ્સનો એક કર્મચારી ફરજ પર શહીદ થયો હતો, જ્યારે બદમાશો સાથેની ગોળીબારમાં ત્રણ જવાનો ગંભીર રીતે ઘાયલ થયા હતા, જેમને હોસ્પિટલમાં દાખલ કરવામાં આવ્યા છે. ગત વર્ષે નવેમ્બરમાં પોલીસ અધિકારી આનંદ ચોંગથમની હત્યાના મુખ્ય આરોપી ફિલિપ ખોંગસાઈની ધરપકડ કરવામાં આવી હતી.
