રાજકોટના લોકમેળામાં બન્યા અનેક ‘ફાયર ડોમ’

આગની એક ચીંગારીથી ડોમ અગનગોળો બને તેવા પ્લાસ્ટિક-પીવીસી અને કાપડનો ડોમમાં જોખમી ઉપયોગ

‘પાડા ઉપર પાણી રેડવામા આવે તો પણ તેને કંઇ ફેર ન પડે!’ આ કહેવત શબ્દ:સહ રાજકોટના પ્રશાસનને લાગુ પડે છે. ૨૮ માનવજીંદગીને ભરખી જનાર ટીઆરપી ગેમ ઝોનનો અગ્નિકાંડ બન્યો આમછતા જ્યા સેંકડો લોકો એકઠાં થવાના છે એવા રેસકોર્સના લોકમેળામાં અક્ષમ્ય નહીં પણ અત્યંત ગુનાહીત કહી શકાય તેવી ગંભીર બેદરકારી રાખવામા આવી છે. મેળામાં અસંખ્ય ડોમ ઉભા કરવામા આવ્યા છે. આ ડોમમાં એવુ મટીરીયલ્સ વાપરવામા આવ્યુ છે કે શોર્ટ સર્કિટ અથવા તો આગની એક ચીંગારી લાગે તો પણ અગનગોળો બની જાય. ‘અગ્ર ગુજરાત’ની ટીમે આજે મેળાની તૈયારી માટે રૂબરૂ પડતાળ પાડી હતી. ડોમમાં વપરાયેલા મટીરીયલ્સની પણ ચકાસણી કરી ત્યારે જીવ થંભાવી દે તેવી આ બેદરકારી સામે આવી હતી. ન કરે નારાયણ અને જો આગની એક દૂઘર્ટના બને તો ટીઆરપી કાંડથી પણ મોટી જાનહાની થઇ શકે છે તેમા શંકાને કોઇ સ્થાન નથી. ત્રણ બાજુથી પેક હોય તેવા આ ડોમમાં જ સૌથી વધુ આ બેદરકારી દાખવવામા આવી છે. ભગવાન ન કરે અને જો આગની કોઇ દૂઘર્ટના બને અને એ સમયે ડોમમાં લોકોની હાજરી હોય તો જે રીતે ટીઆરપી ગેમ ઝોનમાં થયુ તેમ ધક્કામુક્કીમાં જ આગની અંદર હોમાય જાય એવી બેદરકારી સાથે ડોમ ઉભા કરવામા આવ્યા છે.

સેકન્ડભરમાં જ ડોમ ભળભળ સળગી ઉઠે એવા પ્લાસ્ટિક અને સિન્થેટિક કાપડનો ઉપયોગ

સ્થાનિક પ્રશાસને અગાઉ એવી જાહેરાત કરી હતી કે, મેળામાં સ્ટોલથી માંડી જે કંઇ વિભાગ બનાવવામા આવશે એ અગ્નિપ્રુફ હશે. પરંતુ જમીન પરની હકિકત કંઇક અલગ જ નીકળી. નાના ડોમથી લઇને એકસાથે ૨૦૦થી 3૦૦ લોકો સમાય શકે તેવા તોતીંગ ડોમમાં આગનું એક તણખુ લાગે તો પણ સેકન્ડભરમાં ભળભળ સળગી ઉઠે તેવા પ્લાસ્ટિક અને સિન્થેટિક કાપડનો જ ઉપયોગ કરવામા આવ્યો છે.

જુઓ આ એ લાકડાના ટેકા છે જેના પર મોતના માચડા ઉભા છે

PDW તમામ સ્તરે ટેકનીકલ ચકાસણી કરી એ જરૂરી

મેળામાં ગગનચુંબી ફજતફાડકા ઉભા થઇ ગયા છે. તેમા ટ્રોલ પણ ફીટ થઇ ગઇ છે. એકસાથે મોટી સંખ્યામાં લોકો ફજતફાડકામાં બેસવાના ત્યારે લાકડાના ટેકા પર ઉભેલી આવી રાઇડસ જીક જીલશે કે કેમ? યાંત્રિક સલામતી સમિત અને પીડબલ્યુ ટી સલામતીની ચકાસણી કરવાના છે ત્યારે આ બાબત ખાસ ધ્યાનમાં રાખે એ જરૂરી છે. લાકડાના ટેકા પર ઉભી થયેલી રાઇડસની સલામતીની ચકાસણી ટેકનીકલ રીતે થાય એ જરૂરી

ડોમમાં તમામ પ્રકારની ફાયર સેફ્ટી જરૂરી

પ્લાસ્ટિક, પીવીસી અને સિન્થેટિક કાપડ સાથે બનેલા તોતીંગ ડોમમાં હાલની સ્થિતિએ તો કોઇ ફાયર સેફ્ટીના સાધનો દેખાયા ન હતા. પરંતુ મેળો ચાલુ થાય એ પહેલા અગ્નિસમન બાટલા સહિત તમામ પ્રકારના ફાયરના સાધનો અને સેફ્ટી ફીટ કરી નાખવામા આવે જરૂરી છે.