- ફિલિપાઈન્સના મિંડાનાઓમાં તીવ્ર ભૂકંપના આંચકા
- GFZ અનુસાર મિંડાનાઓમાં ભૂકંપની તીવ્રતા 6.9 હતી
- ભૂકંપનું કેન્દ્ર પૃથ્વીની સપાટીથી 10 કિમીની ઊંડાઇએ
શુક્રવારે ફિલિપાઈન્સના મિંડાનાઓમાં તીવ્ર ભૂકંપના આંચકા અનુભવાયા હતા. જર્મન રિસર્ચ સેન્ટર ફોર જીઓસાયન્સિસ (GFZ) અનુસાર, મિંડાનાઓમાં ભૂકંપની તીવ્રતા 6.9 હતી. ભૂકંપનું કેન્દ્ર પૃથ્વીની સપાટીથી 10 કિમી (6.2 માઇલ) ની ઊંડાઇએ હતું. હજુ સુધી કોઈ જાનહાનિ કે નુકસાનના સમાચાર નથી.
GFZએ જણાવ્યું હતું કે ભૂકંપ 10 કિમી (6.2 માઇલ) ની ઊંડાઇએ હતો. પેસિફિક સુનામી વોર્નિંગ સેન્ટરે કહ્યું કે સુનામીનો કોઈ ખતરો નથી.
ફિલિપાઈન્સની સિસ્મોલોજીકલ એજન્સીએ બુલેટિનમાં જણાવ્યું હતું કે દક્ષિણ ફિલિપાઈન્સમાં સારંગાની અને દક્ષિણ કોટાબેટો પ્રાંતમાં 8ની તીવ્રતા અનુભવાઈ હતી. ફિલિપાઇન્સની સિસ્મોલોજીકલ એજન્સીએ જણાવ્યું હતું કે ભૂકંપ ઘણી સેકન્ડો સુધી ચાલ્યો હતો અને રહેવાસીઓને આફ્ટરશોક્સ અને નુકસાન માટે સાવચેત રહેવાની સલાહ આપી હતી. મળતી માહિતી અનુસાર ભૂકંપથી દિવાલોને નુકસાન થયું હતું અને કેટલાક કમ્પ્યુટર પડી ગયા હતા.
તમને જણાવી દઈએ કે ફિલિપાઈન્સમાં સતત ભૂકંપ આવતા રહે છે. અહીં હંમેશા ભૂકંપનો ખતરો રહે છે. ફિલિપાઈન ઈન્સ્ટીટ્યુટ ઓફ વોલ્કેનોલોજી એન્ડ સિસ્મોલોજી (PHIVOLCS) આ અંગેની તમામ માહિતી ત્યાંના લોકોને આપતી રહે છે. તોળાઈ રહેલી સુનામી માટે ચેતવણી પણ આપવામાં આવી છે. આ સિવાય અહીંની સરકાર આફતોથી કેવી રીતે બચી શકાય તે અંગે લોકોને જાગૃત કરવા માટે સતત ઘણા કાર્યક્રમો ચલાવે છે.
