- જૂનાગઢ પોલીસ સાથે ફીશરીજ, કોસ્ટગાર્ડ, BSF, ફોરેસ્ટના 426 અધિકારી-કર્મીઓ જોડાયા
- જમીન માર્ગે ફૂટ પેટ્રોલિંગ, દરિયાઈ માર્ગે બોટ પેટ્રોલિંગ અને હવાઈ માર્ગે પેરા ગ્લાઈન્ડીંગ કરાયું
- ગેરકાયદે પ્રવુતિ અને ઘુસણખોરી અટકાવવા માટે યોજવામાં આવી મોકડ્રીલ
જૂનાગઢ જિલ્લો 40 કિલોમીટરનો વિશાળ દરિયો ધરાવે છે. આ દરિયામાર્ગે કોઈ ગેરકાયદે પ્રવુતિ અને ઘુસણખોરી અટકાવવા તેમજ દરિયાઈ સુરક્ષા વધુ મજબુત બનાવવા રેંજ આઈજી નીલેશ જાજડીયા અને એસપી હર્ષદ મહેતાના માર્ગદર્શન નીચે આજે પોલીસ વિભાગ દ્વારા મેગા કોસ્ટલ એકસરસાઈઝનું મોકડ્રીલનું આયોજન કર્યું હતું. આજે યોજાયેલીમાં મોકડ્રીલમાં કોસ્ટલ પોલીસ સ્ટેશનના અધિકારીઓ કર્મચારીઓ તથા એસઓજી શાખા તથા બી.ડી.ડી.એસ. શાખા, એમટી શાખા ક્યુઆરટી શાખા તથા ગર્વ ટીમ, એસ.આર.ડી સભ્યો, જી.આર.ડી સભ્યો, નેવી, કસ્ટમ, કોસ્ટગાર્ડ, જી.એમ.બી, ફિસરીઝ, બીએસએફ, ફોરેસ્ટ વિભાગ વગેરે સ્ટાફ જોડાયેલ હતા. જેમાં કુલ 426 જેટલા અધિકારીઓ તથા કર્મચારીઓએ ભાગ લીધો હતો.
એસપી હર્ષદ મહેતાએ સ્થળ ઉપરથી માર્ગદર્શન આપીને પેરા ગ્લાઈન્ડીંગ પણ કર્યું હતું. આ મોકડ્રીલ દરમિયાન દર 4 કિલોમીટર ઉપર એક વાયરલેસ કોમ્યુનિકેશન સેટ ઊભા કરવામાં આવેલ હતા તેમજ પોલીસ અધિકારીઓ તથા કર્મચારીઓની અલગ અલગ મળી કુલ 10 ટીમો દ્વારા સમગ્ર દરિયાઈ વિસ્તારને આવરી લેવાય તે રીતે પેટ્રોલિંગ કરવામાં આવેલ હતું જેમાં બે ટીમો દ્વારા દરિયાઈ માર્ગે બોટ પેટ્રોલિંગ કરવામાં આવેલ તથા પાવર પેરાગ્લાઇડીંગની મદદથી હવાઈ સર્વેક્ષણ હાથ ધરવામાં આવેલ હતું.
જુનાગઢ જિલ્લાની 40 કિલોમીટરની દરિયાઈ વિસ્તારમાં આવેલ મેન્ગૃઝના જંગલો અને કાંઠા વિસ્તાર અને કાંઠાથી 3 કિલોમીટરના અંદરના સમગ્ર વિસ્તારમાં સઘન શોધખોળ હાથ ધરવામાં આવેલ હતી તેમજ ઉપલબ્ધ વાયર સેટ કોમ્યુનિકેશન દ્વારા જુનાગઢ જિલ્લાની દરિયાઈ પટ્ટીને વધુ સુરક્ષિત બનાવવા આજે મેગા કોસ્ટલ એક્સરસાઇઝનું જુનાગઢ જિલ્લા પોલીસ દ્વારા આયોજન કરવામાં આવેલ હતું.
આ મોકડ્રીલ દરમિયાન એસઓજી શાખા દ્વારા રેડ પાર્ટી કરીને ફરજ બજાવવામાં આવેલ હતી જેના દ્વારા દરિયાઈ પટ્ટીમાં પાંચ નોટિકલ માઈલ સુધી તથા જુનાગઢ જિલ્લાના જમીનથી ત્રણ કિલોમીટર સુધીના કોઈપણ પોલીસ સ્ટેશન દરિયા કિનારાના ગામે ખાતે આવેલા ધાર્મિક સ્થળો તેમજ અગત્યના સ્થળો વાઈટલ ઇન્સ્ટોલેશન ઉપર સફળ હુમલો કરવા પ્રયત્ન કરવામાં આવેલ હતા તથા કોસ્ટલ પોલીસ સ્ટેશનના ડી સ્ટાફના અધિકારી કર્મચારીઓ દ્વારા બ્લુ પાર્ટી તરીકે ફરજ બજાવવામાં આવેલ હતી. જેના કોઈ જેના દ્વારા કોઈ પણ આંતકવાદી હુમલો સફળ ન થાય તે હેતુસર દરિયાકાંઠા વિસ્તારમાં અસરકારક પેટ્રોલિંગ રાખવામાં આવેલ હતું. આ મોકડ્રીલમાં એક ડીવાયએસપી, 4 પોલીસ ઇન્સ્પેક્ટર, 17 પી.એસ.આઇ, 28 હેડ કોન્સ્ટેબલ, 110 પોલીસ કોન્સ્ટેબલ, 72એસઆરડી જવાન, 189 જીઆરડી જવાન મળીને 426 જેટલા પોલીસ અધિકારીને કર્મચારીઓ જોડાયા હતા.
જૂનાગઢ જિલ્લાના દરિયાકાંઠાના 13 લેન્ડીંગ પોઈન્ટની સુરક્ષાની સમિક્ષા કરાઈ : એસ.પી.
જૂનાગઢ એસપી હર્ષદ મહેતાએ સંદેશ સાથેની ખાસ વાતચીતમાં જણાવ્યું હતું કે, સામાન્ય રીતે વર્ષમાં સાગર સુરક્ષા કવચ અંતર્ગત એક મોટી મોકડ્રીલ યોજાય છે, અને બીજી જિલ્લા કક્ષાની નાની મોકડ્રીલ યોજાય છે, જેના ભાગરૂપે આજે નાની મોકડ્રીલનું આયોજન કરવામાં આવ્યું હતું. જેમાં તમામ સુરક્ષા એજન્સીઓ સાથે કોમ્યુનિકેશન સાંકળીને બારીકાઇથી દરિયાઈ વિસ્તારની સુરક્ષા વધુ મજબુત કેવી રીતે થાય તેના ભાગરૂપે આજે સવારે શીલ પોલીસ સ્ટેશનના લાસ્ટ પોઈન્ટ એટલે પોરબંદરની છેલ્લી હદથી સવારે 7 વાગ્યાથી મુવમેન્ટ શરુ થયેલ અને સાંજના 6 વાગ્યા સુધીમાં ચોરવાડના છેલ્લા પોઈન્ટ સુધીના 40 કિલોમીટરના દરિયાઈ વિસ્તારનો ખૂણે-ખૂણે જવાનોએ ત્રિસ્તરીય ફૂટ પેટ્રોલિંગ, બોટ પેટ્રોલિંગ, પેરા ગ્લાઈન્ડીંગ કર્યું હતું.
તમામ સુરક્ષા એજન્સીઓ સાથે કોમ્યુનિકેશન વધે તેના હેતુથી અને સ્થાનિક માછીમારો અને આગેવાનોને સમજ આપી હતી. જૂનાગઢ જિલ્લાના તમામ 13 લેન્ડીંગ પોઈન્ટની સુરક્ષાની સમીક્ષા કરીને સુરક્ષા વધુ મજબુત બને તે માટે ક્યાં રસ્તેથી ઝડપી પહોંચી શકાય, કેવી રીતે પહોંચી શકાય તેનું ડ્રોઈંગ રીપોર્ટ તૈયાર કરવામાં આવ્યો છે,તેનો ડેટા પોલીસના રેકર્ડ પર રહેશે.
