આજે સવારથી રાજકોટ જિલ્લાના તમામ મતદાન મથકો પર ઇવીએમ મશીન પહોંચવા લાગ્યા
રાજકોટ જિલ્લામાં ૧૮ હજારથી વધુ સ્ટાફ જે તે સ્થળે ફરજ પર હાજર થઇ ગયો
રાજકોટ લોકસભાની બેઠકના ઉમેદવારોએ સતત 50 દિવસ સુધી પ્રચાર કર્યા બાદ ચુંટણી પડઘમ બંધ થતા આવતીકાલે મતદાન માટેની તમામ પ્રક્રિયા પૂર્ણ કરી લેવામાં આવી છે જેમાં જીલ્લામાં કુલ 21 લાખ મતદારો મતદાન કરશે તથા શહેર તથા જિલ્લામાં કુલ 1000 મતદાન મથકો સંવેદનશીલ જાહેર કરવામાં આવ્યા છે તથા આવતી કાલે વહેલી સવારે મોક પોલ કરવામાં આવશે તેમજ 18 હજાર કર્મચારીઓ ચુંટણીની કામગીરી બજાવશે તેમ જીલ્લા કલેકટર પ્રભવ જોષીએ પત્રકાર પરિષદમાં જણાવ્યું હતું.
રાજકોટ લોકસભાની ચૂંટણીનુ મતદાન આવતી કાલે સવારે 7 વાગ્યાથી શરૂ થશે. એ પહેલા ૫:3૦ વાગ્યે મોકપોલ થશે. મતદાન સાંજે 6 વાગ્યા સુધી ચાલશે. તમામ 18 હજાર કર્મચારીઓ પોતાના બુથ ઉપર પહોંચી ગયા છે. તેમજ શહેર અને જિલ્લામાં પહેલા 822 મતદાન મથકો સંવેદનશીલ જાહેર કરવામાં આવ્યા હતા જેમાં વધુ 210 બુથ ઉપર પેરા મીલટરી ફોર્સ તથા પોલીસ ગોઠવી દેવામાં આવ્યો છે તેમ જીલ્લા કલેકટર પ્રભવ જોષીએ જણાવ્યું હતું.
50 બુથ ઉપરથી વેબ કાસ્ટીંગ કરાશે
રાજકોટ જિલ્લાના 2036 બુથ માંથી 50 બુથ ઉપર માં વેબ કાસ્ટિંગ કરવામાં આવશે જેમાં મતદાનના દિવસે આ તમામ બુથ ઉપર નજર રાખવામાં નજર રાખવા માટે માઇક્રો ઓબ્ઝર્વને ખાસ જવાબદારી સોંપવામાં આવી છે અને આ માટે ખાસ કંટ્રોલ રૂમ તૈયાર કરવામાં આવ્યો છે
પાછળથી જાહેર થયેલા 210 વધુ સંવેદનશીલ બૂથ પર પેરામીલેટ્રી ફોર્સ
ક્ષત્રિય આંદોલનના કારણે રાજકોટમાં વધારાના 210 સંવેદનશીલ મતદાન મથકો જાહેર કરવામાં આવ્યા છે શહેર જિલ્લામાં કુલ 822 મતદાન મથકોને સંવેદનશીલ જાહેર કરવામાં આવ્યા હતા બાદમાં રૂપાલા ના વિવાદ નિવેદન પછી ક્ષત્રિય સમાજ દ્વારા વિરોધ પ્રદર્શન વધતા તંત્ર દ્વારા નવેસરથી સંવેદનશીલ બુથ લોકેટ કરવામાં આવતા આ તમામ 210 બુથ ઉપર પોલીસ અને પેરામિલથી ફોર્સનો વિશેષ બંદોબસ્ત ગોઠવવામાં આવશે.
200 મતદાન મથકોએ કુલરની વ્યવસ્થા કરવામાં આવી
રાજકોટ જિલ્લામાં આવતી કાલે હીટવેવની આગાહીના પગલે મતદાન કરવા માટે આવનાર મતદારોને તડકો ન લાગે તથા છાયડો મળી રહે તે માટે જરૂર છે તેવા મતદાન મથકો ઉપર 200 જેટલા કુલર ગોઠવવામાં આવ્યા છે તેમજ તાપથી બચવા માટે મડપ ફીટ કરવામાં આવ્યા છે તેમ જીલ્લા કલેકટર પ્રભવ જોષીએ જણાવ્યું હતું.
મતદાન કેન્દ્રો પર દવા તથા O.R.S નો સ્ટોક
આવતીકાલે મતદાનના દિવસે વધુ ગરમી પડે અને મતદાન કરવા માટે આવનાર મતદારની તબિયત બગડે તો તાત્કાલિક સારવાર આપી શકાય તે માટે જરૂરી દવા પાણીમાં નાખી અને પી શકાય તે માટે O.R.S. નો જથ્થો રાખવામાં આવશે તેમ કલેકટર જણાવ્યું હતું.
રાજકોટ જિલ્લામાં ૯૦ S.T. બસ ફાળવવામાં આવતા મુસાફરો પરેશાન
ચૂંટણીની કામગીરી માટે રાજકોટ એસ.ટી.તત્ર દ્વારા 90 બસો ફાળવવામાં આવતા સમયસર બસો નહીં મળવાના કારણે મુસાફરોને પારાવાર મુશ્કેલીનો સામનો કરવો પડ્યો હતો.
વીજપુરવઠો ખોરવાય નહીં એ માટે વીજ તંત્ર સજ્જ
લોકસભાની ચૂંટણીનુ આવતીકાલે મતદાન હોય પીજીવીસીએલ દ્વારા વીજ પુરવઠો ખોરવાઈ નહીં તે માટે ખાસ તકેદારીઓ રાખવામાં આવી છે અને ટેકનીકલ ટીમો તૈનાત રાખવામાં આવી છે તેમજ વીજ કપનીની કોર્પોરેટ કચેરી ખાતે ખાસ કંટ્રોલ રૂમ શરૂ કરવામાં આવ્યો છે તેમ વીજ કપનીના ચીફ ઈજનેર લાખાણીએ જણાવ્યું હતું.
