- 5 નવેમ્બરે વિરાટ કોહલીનો જન્મદિવસ
- કોલકાતાના ઈડન ગાર્ડનમાં કેક કાપવામાં આવશે
- રિઝવાને એડવાન્સમાં જન્મદિવસની શુભેચ્છા પાઠવી
ભારતીય ક્રિકેટ ટીમના સ્ટાર બેટ્સમેન વિરાટ કોહલીનો જન્મદિવસ 5 નવેમ્બરે છે. કિંગ કોહલી પોતાના જન્મદિવસ પર કોલકાતાના ઈડન ગાર્ડન્સમાં સાઉથ આફ્રિકા સામે મેદાનમાં ઉતરશે. આ પહેલા પાકિસ્તાનના વિકેટકીપર બેટ્સમેન મોહમ્મદ રિઝવાને તેના માટે ખાસ પ્રાર્થના કરી હતી અને તેને જન્મદિવસની શુભેચ્છા પાઠવી હતી.
રિઝવાને જન્મદિવસની શુભેચ્છા પાઠવી
મીડિયા રિપોર્ટ્સ અનુસાર, જ્યારે રિઝવાનને પૂછવામાં આવ્યું કે શું કોહલી તેના જન્મદિવસના અવસર પર ઈડન ગાર્ડન્સમાં મોટી ઇનિંગ રમશે. શું તમે તેમને શુભેચ્છા આપવા માંગો છો? આના જવાબમાં રિઝવાને કહ્યું, “મારા દિલમાં વિરાટ કોહલી માટે ઘણો પ્રેમ છે. ભગવાન તેને વધુ શક્તિ આપે. આ વર્લ્ડકપમાં તે તેની 49મી અને 50મી સદી ફટકારે.” ભારતીય ફેન્સને રિઝવાનનો આ જવાબ ખૂબ જ પસંદ આવી રહ્યો છે.
કોહલી વનડેમાં 50 સદીથી માત્ર બે ડગલાં દૂર
ODI ક્રિકેટના ઈતિહાસમાં ક્રિકેટના ભગવાન સચિન તેંડુલકરે સૌથી વધુ સદી ફટકારી છે. તેના નામે 49 સદી છે. જ્યારે 2023ના વર્લ્ડકપમાં વિરાટ કોહલીએ બાંગ્લાદેશ સામે તેની 48મી સદી ફટકારી હતી. હવે તે સચિનનો રેકોર્ડ તોડવા અને વનડેમાં ફિફ્ટી પૂરી કરવાથી માત્ર બે ડગલાં દૂર છે.
કિંગ કોહલીનો જન્મદિવસ ઈડન ગાર્ડન્સમાં ઉજવવામાં આવશે
વિરાટ કોહલીના જન્મદિવસ નિમિત્તે કોલકાતાના ઈડન ગાર્ડનમાં કેક કાપવામાં આવશે. આ સિવાય 70 હજાર દર્શકો વિરાટના માસ્ક પહેરશે. ઈડન ગાર્ડનમાં લેસર શોનું પણ આયોજન કરવામાં આવશે અને મોટી સંખ્યામાં ફટાકડા ફોડવામાં આવશે. બંગાળ ક્રિકેટ એસોસિએશન કિંગ કોહલીના જન્મદિવસને ખાસ બનાવવાની તૈયારીમાં વ્યસ્ત છે.
