ઇઝરાયલની ગુપ્તચર એજન્સી મોસાદે ‘રાઇઝિંગ લાયન’ને અંજામ આપ્યો છે. ઓપરેશન દરમિયાન ઇરાનની અંદર ડ્રોન અને હથિયાર પહોંચાડવામાં આવ્યા હતા. આનો ઉપયોગ ઇરાની સેનાના ઠેકાણા અને મિસાઇલ સિસ્ટમને ધ્વસ્ત કરવા માટે કરાયો હતો. મોસાદે ઇરાનની અંદર સીક્રેટ બેઝ બનાવી સ્ટ્રાઇક તૈનાત કરી હતી. અને હુમલાઓ કરવા માટે તેને સક્રિય કર્યુ હતુ. જેના કારણે ઇરાનની સુરક્ષાને મોટી હાનિ પહોંચાડી શકાય.
ઓપરેશન ‘રાઇઝિંગ લાયન’
ઇરાન વિરુદ્ધ ઇઝરાયલે હુમલાઓ તેજ કર્યા છે. ખામેનેઇના દેશ પર હુમલો કર્યો હતો. નેતન્યાહૂએ આ ઓપરેશનને ‘રાઇઝિંગ લાયન’ નામ આપ્યુ હતુ. આ સીધો હુમલો નહી પણ તેની પાછળ રણનીતિ તૈયાર કરાઇ હતી. ઇઝરાયલની ગુપ્તચર એજન્સી મોસાદે જમીનથી લઇને આકાશ સુધી તમામ પ્લાનિંગ કરી હતી. જેના કારણે ઇરાનની સુરક્ષામાં ભૂકંપ જોવા મળ્યો હતો. અને ઇરાનની હાલત ખરાબ થઇ હતી. આ ઓપરેશન દરમિયાન ઇરાનમાં ગુપ્ત રીતે હથિયારો પહોંચાડવામાં આવ્યા હતા.
સ્ટ્રાઇક સિસ્ટમ કરાઇ તૈનાત
ઓપરેશનની સફળતા માટે મોસાદે ઇરાનની અંદર વાહનો પર મોબાઇલ સ્ટ્રાઇક સિસ્ટમ તૈનાત કરી હતી. હુમલાઓની શરૂઆત થતા જ તેને સક્રિય કરવામાં આવ્યા હતા. જેના કારણે ઇરાનના જવાબી હુમલાઓ નિષ્ફળ બનાવી શકાય. આ તૈયારીઓ પાછળ માત્ર સેના જ નહી પણ ગુપ્તચર વિભાગની સટીક કાર્યવાહી પણ જવાબદાર છે. મોસાદે ઇરાનમાં પોતાના નેટવર્કના માધ્યમથી તમામ નાનામાં નાની ગતિવિધીઓ પર કડક નજર રાખી હતી.
