- હવે ઉનાળા નહીં શિયાળામાં પણ સહેલાણીઓની સંખ્યામાં વધારો
- ઠંડીના કારણે જનજીવન પર અસર, રસ્તાઓ સુમસામ બન્યા
- સવારના સુમારે વાહનોની છત પર બરફના થર જામેલા જોવા મળ્યા
રાજસ્થાનના હિલસ્ટેશન માઉન્ટ આબુમાં ઠંડા પવનના સુસવાટા સાથે ઠંડીનું પ્રમાણ વધ્યું છે. વાતાવરણ ઠંડુગાર થતાં ઠંડીનો પારો ગગડીને માઈનસ એક ડિગ્રી પર યથાવત રહ્યું છે. સવારના સુમારે વાહનોની છત પર બરફના થર જામેલા જોવા મળ્યા હતા. ગુરુશિખર પર પાણીમાં બરફના થર જામ્યા હતા. માઉન્ટઆબુમાં ઠંડીના કારણે સ્થાનિક રહીશોના જનજીવન પર અસર જોવા મળી રહી છે. સવારના સુમારે રસ્તાઓ સુમસામ જોવા મળે છે. રાત્રીના સમયે રસ્તાઓ પર લોકો તાપણી કરતા નજરે પડે છે. હોટેલોમાં બોર્ન ફાયર શરૂ થઈ ગયા છે. ઠંડીની મઝા માણવા આવતા સહેલાણીઓએ શનિ રવિની રજા દરમ્યાન અગાઉથી જ હોટેલોમાં બુકિંગ કરાવવાનું શરૂ કરી દીધુ છે. અત્યાર સુધી માત્ર ઉનાળાની ગરમીની સિઝનમાં જ સહેલાણીઓની સંખ્યા વધતી હતી. પરંતુ હવે વિદેશથી આવતા સહેલાણીઓની સંખ્યા પણ વધી રહી છે.
