- બંને હાથોથી તલવારબાજીનો જૂનો વીડિયો વાયરલ થયો છે
- મોહન યાદવ બંને હાથમાં તલવાર લઈને તલવારબાજી કરી જાણે છે.
- ડૉ. મોહન યાદવ અગાઉની સરકારમાં શિક્ષણ મંત્રી પણ રહી ચુક્યા છે
મધ્યપ્રદેશમાં મુખ્યમંત્રીના સત્તાની ભાગદોડ આખરે મોહન યાદવના હાથમાં આવી ગઈ છે. જેમના નામ પર સૌ કોઈ ચોંકી ગયા છે. આ વચ્ચે હાલમાં ટ્વિટર પર મોહન યાદવનો એક વીડિયો ઝડપથી વાયરલ થઈ રહ્યો છે જેમાં તેઓ તલવારબાજી કરતાં જોવા મળી રહ્યા છે. જેના પર લોકો વિવિધ પ્રકારની રિએક્શન પણ આપી રહ્યા છે.
મધ્યપ્રદેશના ઉજ્જૈન દક્ષિણના ધારાસભ્ય મોહન યાદવ લાંબા સમયથી રાજકીય રીતે સક્રિય છે. આ વચ્ચે મુખ્યમંત્રી તરીકે તેમના નામની જાહેરાત થતાં તેમનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. જેમાં તેઓ બંને હાથમાં તલવાર રાખીને તલવારબાજી કરી રહ્યા છે.
જ્યારે મોહન યાદવ બંને હાથમાં તલવાર લઈને તલવારબાજી કરી જાણે છે. વાયરલ વીડિયોમાં જોઈ શકાય છે કે મોહન યાદવ પ્રોફેશનલની જેમ તલવાર ચલાવી રહ્યા છે. નોંધનીય છેકે ભૂતકાળમાં પણ મોહન યાદવના આવા ઘણા વીડિયો સામે આવ્યા છે જેમાં તેણે તલવારનો ઉપયોગ કરીને લોકોને ચોંકાવી દીધા છે.
કોણ છે મોહન યાદવ
મોહન યાદવ મધ્ય પ્રદેશના ઉજ્જૈન જિલ્લાની ઉજ્જૈન દક્ષિણ વિધાનસભા બેઠક પરથી ભાજપના ધારાસભ્ય છે. ધારાસભ્ય તરીકે વર્ષ 2013ની વિધાનસભા ચૂંટણી જીતીને તેમણે રાજ્યસ્તરે રાજકીય કેરિયરની શરૂઆત કરી હતી. બાદમાં, વર્ષ 2018માં તેમને ફરી આ જ બેઠક પર રિપીટ કરવામાં આવ્યા હતા. બીજી વખત પણ વિધાનસભા ચૂંટણીમાં જીત મેળવીને તેઓ બીજી વખત ધારાસભ્ય બન્યા હતા. મોહન યાદવની રાજકીય કારકિર્દી તે સમયે વધારે મજબૂત બની જ્યારે તેમણે 2 જુલાઇ 2020માં શિવરાજ સિંહ ચૌહાણ સરકારમાં કેબિનેટ મંત્રી તરીકે શપથ લીધા હતા.
મોહન યાદવનો જન્મ 25 માર્ચ 1965ના દિવસે ઉજ્જૈનમાં થયો હતો. મોહન યાદવ છેલ્લા ઘણા વર્ષોથી ભાજપ સાથે જોડાયેલા હતા. પોતાની રાજકીય કારકિર્દીની સાથે સાથે મોહન યાદવ મધ્ય પ્રદેશના ઉદ્યોગપતિ તરીકે પણ જાણીતા છે. મધ્ય પ્રદેશ વિધાનસભા ચૂંટણી 2023માં મોહન યાદવ 13000 વોટ સાથે જીત મેળવી હતી.
તેમના પિતા પૂનમચંદ યાદવ ખેડૂત હતા. તેમના પત્ની સીમા યાદવ છે અને તેમને 2 દીકરા અને એક દીકરી છે. મોહન યાદવ ડૉક્ટરેટની ડિગ્રી ધરાવે છે. સાથે સાથે તેમણે BSC, LLB, MA, MBA and PhD ની ડિગ્રીઓ ધરાવે છે.
