- મહેન્દ્ર સિંહ ધોનીનો નવો લૂક સોશિયલ મીડિયા પર વાયરલ
- એમએસ ધોનીનો આ લૂક ફેન્સને ખૂબ જ પસંદ આવી રહ્યો છે
- ધોનીની આ લૂક અંગે અલગ-અલગ પ્રતિક્રિયા આપી રહ્યા છે
ટીમ ઈન્ડિયાના પૂર્વ કેપ્ટન મહેન્દ્ર સિંહ ધોની ભલે સોશિયલ મીડિયાથી દૂર રહે છે, પરંતુ દરરોજ તેની કોઈને કોઈ તસવીર કે વીડિયો સોશિયલ મીડિયા પર આવતા રહે છે. આંતરરાષ્ટ્રીય ક્રિકેટને અલવિદા કહી ચુકેલ એમએસ ધોની હવે IPLમાં રમતા જોવા મળી રહ્યા છે. ફરી એકવાર ધોની IPL 2024માં ફેન્સ માટે રમતા જોવા મળશે. આ દરમિયાન મહેન્દ્ર સિંહ ધોનીની એક તસવીર સોશિયલ મીડિયા પર ખૂબ જ ઝડપથી વાયરલ થઈ રહી છે. જેમાં ધોનીનો નવો લુક જોવા મળી રહ્યો છે.
ધોનીની નવી તસવીર સોશિયલ મીડિયા પર વાયરલ
મહેન્દ્ર સિંહ ધોનીના વીડિયો અને તસવીરો તેના ફેન્સ એકાઉન્ટ્સ દ્વારા શેર કરવામાં આવતી રહે છે. હવે ધોનીની નવી તસવીર સામે આવી છે. જેમાં માહી ટેનિસ રમતી જોવા મળી રહી છે. આ તસવીરમાં ધોની લાંબા વાળ સાથે જોવા મળી રહ્યો છે. આ તસવીર જોઈને ચાહકોને ધોનીના જૂના દિવસો યાદ આવી ગયા. જ્યારે મહેન્દ્ર સિંહ ધોની લાંબા વાળ રાખતો હતો. ધોનીનો નવો લુક ફેન્સને પસંદ આવી રહ્યો છે. ધોનીની આ તસવીરો પર ફેન્સ અલગ-અલગ પ્રકારની પ્રતિક્રિયા આપી રહ્યા છે. તસવીરોમાં ધોની પણ એકદમ ફિટ દેખાય છે.
ધોની IPL 2024માં રમતા જોવા મળશે
મહેન્દ્ર સિંહ ધોનીની કપ્તાનીમાં ચેન્નાઈ સુપર કિંગ્સે IPL 2023નો ખિતાબ જીત્યો હતો. ધોનીની કપ્તાનીમાં CSKએ 5 વખત IPLનો ખિતાબ જીત્યો છે. હવે ફરી એકવાર CSK ધોનીની કપ્તાનીમાં છઠ્ઠી વખત IPL ટ્રોફી જીતવાના ઈરાદા સાથે મેદાનમાં ઉતરશે. ધોની IPL 2024 માટે પણ પોતાને તૈયાર કરી રહ્યો છે. માહી ફિટનેસ પર પણ ખૂબ ધ્યાન આપી રહી છે.
