- હિંસક બોમ્બમારાની જોવા મળી અસર
- એરબિલ હવાઈ મથક પાસે 3 ડ્રોનને બનાવાયા નિશાન
- હવાઈ મથકને બંધ કરી દેવામાં આવ્યું
ઇરાકના અરબિલમાં યુએસ કોન્સ્યુલેટ પાસે અનેક વિસ્ફોટ થયા છે. ઈરાની રિવોલ્યુશનરી ગાર્ડ કોર્પ્સ (IRGS) એ આ વિસ્ફોટોની જવાબદારી લીધી છે. IRGS એ કહ્યું કે તે બેલેસ્ટિક મિસાઇલો વડે પ્રદેશના કેટલાક ભાગોમાં જાસૂસી હેડક્વાર્ટર અને ઈરાની વિરોધી આતંકવાદી જૂથોને નિશાન બનાવી રહ્યું છે. તેમણે કહ્યું કે IRGS દ્વારા કરવામાં આવેલા બોમ્બ વિસ્ફોટોમાં ચાર લોકો માર્યા ગયા હતા. ઇરાકી સુરક્ષા સૂત્રએ જણાવ્યું હતું કે ગઠબંધન અથવા અમેરિકી દળોમાંથી કોઈ પણ એરબિલમાં બોમ્બ ધડાકામાં માર્યા ગયા નથી.
દૂતાવાસની નજીકના આઠ સ્થળોને નિશાન બનાવવામાં આવ્યા હતા
સૂત્રોના જણાવ્યા અનુસાર ગઠબંધન દળોએ ઈરાકના એરબિલ એરપોર્ટ નજીક ત્રણ ડ્રોનને તોડી પાડ્યા હતા. એરબિલમાં હવાઈ મુસાફરીને અટકાવી દેવામાં આવ્યો છે. રિપોર્ટ અનુસાર બોમ્બ વિસ્ફોટ અત્યંત હિંસક હતો. યુએસ કોન્સ્યુલેટની નજીકના આઠ સ્થળોને નિશાન બનાવવામાં આવ્યા હતા.
ઇઝરાયેલ હમાસ યુદ્ધની અસર
મીડિયા અહેવાલો અનુસાર આ હુમલાઓથી અમેરિકન સુવિધાઓને અસર થઈ નથી. ઈઝરાયેલ અને પેલેસ્ટાઈન ઈસ્લામિક જૂથ હમાસ વચ્ચે યુદ્ધની શરૂઆત થઈ ત્યારથી તે સમગ્ર મધ્ય પૂર્વમાં ફેલાઈ ગઈ છે. જેમાં ઈરાનના સહયોગી દેશ લેબનોન, સીરિયા, ઈરાક અને યમન વતી પણ યુદ્ધમાં ઉતરી રહ્યા છે.
ચાર નાગરિકોના મોત, 6 ઘાયલ
ઈરાન ઈઝરાયેલ સાથેના યુદ્ધમાં હમાસને સમર્થન આપે છે અને અમેરિકા પર ગાઝામાં ઈઝરાયેલને સમર્થન આપવાનો આરોપ પણ લગાવે છે. તે જ સમયે, અમેરિકાએ માર્યા ગયેલા પેલેસ્ટિનિયન નાગરિકોની સંખ્યા પર ચિંતા વ્યક્ત કરી હતી. કુર્દિસ્તાન સરકારની સુરક્ષા પરિષદે એક નિવેદનમાં આ હુમલાને અપરાધ ગણાવતા કહ્યું કે અરબીલ પર થયેલા હુમલામાં ઓછામાં ઓછા ચાર નાગરિકો માર્યા ગયા અને છ ઘાયલ થયા.
