રાષ્ટ્રીય PACS મેગા કોન્ક્લેવની અમિત શાહ કરશે અધ્યક્ષતા, કાર્યક્રમને લઇ તૈયારી શરૂ

• પ્રાથમિક કૃષિ ધિરાણ મંડળીઓ જન ઔષધિ કેન્દ્રો તરીકે કાર્યરત
• કોન્ફરન્સમાં કેન્દ્ર અને રાજ્યના અધિકારીઓ ભાગ લેશે
• જન ઔષધિ કેન્દ્રોમાં સસ્તી દવાઓ ઉપલબ્ધ

પ્રાથમિક કૃષિ ધિરાણ મંડળીઓ (PACS) જન ઔષધિ કેન્દ્રો તરીકે કાર્યરત છે. કેન્દ્રીય ગૃહમંત્રી અમિત શાહ સોમવારે રાષ્ટ્રીય રાજધાનીમાં યોજાનારી રાષ્ટ્રીય PACS મેગા કોન્ક્લેવની અધ્યક્ષતા કરશે. આ કોન્કલેવનું આયોજન સહકાર મંત્રાલય દ્વારા રાષ્ટ્રીય સહકારી વિકાસ નિગમના સહયોગથી કરવામાં આવી રહ્યું છે.

કેન્દ્રીય ગૃહમંત્રી અમિત શાહ સોમવારે રાષ્ટ્રીય રાજધાનીમાં યોજાનારી રાષ્ટ્રીય PACS મેગા કોન્ક્લેવની અધ્યક્ષતા કરશે. મંત્રાલયે કહ્યું કે તાજેતરમાં જ ભારતીય જન ઔષધિ કેન્દ્રને ચલાવવાની પરવાનગી આપવામાં આવી હતી. પ્રધાનમંત્રી ભારતીય જન ઔષધિ કેન્દ્ર સામાન્ય લોકોને ગુણવત્તાયુક્ત જેનરિક દવાઓ પૂરી પાડે છે.

જન ઔષધિ કેન્દ્રોમાં સસ્તી દવાઓ ઉપલબ્ધ

મંત્રાલયે કહ્યું કે તાજેતરમાં જ ભારતીય જન ઔષધિ કેન્દ્રને ચલાવવાની પરવાનગી આપવામાં આવી હતી. પ્રધાનમંત્રી ભારતીય જન ઔષધિ કેન્દ્ર સામાન્ય લોકોને ગુણવત્તાયુક્ત જેનરિક દવાઓ પ્રદાન કરે છે, જેની કિંમતો ખુલ્લા બજારમાં ઉપલબ્ધ બ્રાન્ડેડ દવાઓ કરતાં 50-90 ટકા ઓછી હોય છે. આ કેન્દ્રો દ્વારા સામાન્ય નાગરિકોને પોસાય તેવા ભાવે 2,000 થી વધુ પ્રકારની જેનરિક દવાઓ અને લગભગ 300 સર્જિકલ વસ્તુઓ ઉપલબ્ધ કરાવવામાં આવે છે.

ઘણા અધિકારીઓ ભાગ લેશે

વિજ્ઞાન ભવન ખાતે રાષ્ટ્રીય સહકારી વિકાસ નિગમ (NCDC)ના સહયોગથી સહકાર મંત્રાલય દ્વારા આયોજિત કોન્ફરન્સમાં કેન્દ્ર અને રાજ્યના અધિકારીઓ ભાગ લેશે. મંત્રાલયે કહ્યું છે કે, રાષ્ટ્રીય PACS મેગા કોન્ક્લેવનું લાઈવ સ્ટ્રીમિંગ મુખ્ય ઈન્ટરનેટ મીડિયા પ્લેટફોર્મ જેમ કે YouTube વગેરે પર કરવામાં આવશે.