- નવસારી લોકસભા વિસ્તારમાં C.R.પાટીલની નિકળી ભવ્ય રેલી
- આ રેલીમાં ભાજપના ધારાસભ્યો તેમજ કાર્યકર્તાઓ મોટી સંખ્યામાં જોડાયા
- લોકસભા ઉમેદવારીનું ફોર્મ ભરતા પહેલા પણ પાટીલે યોજી હતી રેલી
ભાજપ નવસારી લોકસભા બેઠક પરથી સી.આર. પાટીલે આજે ધારાસભ્યો તેમજ તેમના સમર્થકોની સાથે રેલીનું આયોજન કર્યું હતુ.સવારે 10 વાગે આ રેલીની શરૂઆત થઈ હતી,તો રેલી બપોરના 4 વાગ્યા સુધીમાં પૂર્ણ થશે,આ રેલીમાં સ્થાનિક કાર્યકર્તાઓ તેમજ સ્તાનિક લોકો પણ જોડાયા હતા.લોકો સમય પ્રમાણે મતદાન કરે અને લોકો સુધી મતદાનને લઈ એક સંદેશો પહોંચે તેને લઈ આ રેલી યોજાઈ હતી.
પહેલા વિજય સંકલ્પ રેલી યોજી હતી
નવસારીમાં સી.આર.પાટીલે વિજય સંકલ્પ રેલી યોજી હતી.આ રેલીમાં મોટી સંખ્યામાં તેઓના સમર્થકો જોડાયા હતા. સુરતમાં તેઓની સાથે ગૃહરાજ્યમંત્રી હર્ષ સંઘવી, મંત્રી મુકેશ પટેલ સહીત ભાજપના નેતાઓ અને તેઓના સર્મથકો પણ જોડાયા હતા. નવસારીમાં આવેલા મધ્યસ્થ કાર્યાલયથી રેલીની શરૂઆત કરાઈ હતી.સી. આર. પાટીલની નવાસરીના સાંસદ તરીકે આ ચોથી ટર્મ છે.
કુલ 7 વિધાનસભાનો સમાવેશ
આ બેઠકની આંકડાકીય માહિતી પર નજર કરીએ તો 2019ની ભાજપના ઉમેદવાર સી. આર.પાટીલે કોંગ્રેસના ઉમેદવાર ધર્મેશ પટેલને 6,89,668ના મતોથી હરાવ્યા હતા. નવસારી અગાઉ વલસાડ લોકસભા બેઠકમાં આવતી હતી. નવસારી લોકસભામાં કુલ 7 વિધાનસભાનો સમાવેશ થાય છે.આ બેઠક પર સુરત જિલ્લાની લિંબાયત, ઉધના, મજુરા અને ચોર્યાસી વિધાનસભા વિસ્તાર અને જલાલપોર, નવસારી તથા ગણદેવી મળીને કુલ 7 વિધાનસભા વિસ્તાર સાથે નવસારી લોકસભા બેઠકનું નિર્માણ કરાયું હતું. આ વિસ્તારમાં 22 રાજ્યના લોકો મતદાર હોવાથી નવસારી બેઠકને મિનિ ભારત કહેવામાં આવે છે.
સી.આર.પાટીલની વિક્રમી લીડ રહી છે
સતત ચોથી વાર વડાપ્રધાન નરેન્દ્ર મોદીએ નવસારી બેઠક માટે સી.આર.પાટીલ પર ભરોસો મૂક્યો છે. નવસારી બેઠક પર છેલ્લા ત્રણ ટર્મથી સાંસદ છે. 2014 અને 2019માં તે સૌથી વધુ માર્જિનથી જીતી હોવાને કારણે તેઓ રાષ્ટ્રીય કક્ષા પર લોકોની નજરે આવ્યા હતા. ત્યારબાદ વડાપ્રધાન નરેન્દ્ર મોદીએ તેમને ગુજરાતના પ્રદેશ પ્રમુખ બનાવ્યા. 2019માં તેમણે 6,89,668 મતોના વિક્રમી માર્જિન સાથે ચૂંટણી જીતી હતી જે ચૂંટણી ઇતિહાસમાં બીજા ક્રમનું સૌથી વધુ માર્જિન હતું. 2014માં તેઓ 5,58,116 મતોના વિક્રમી માર્જિનથી ચૂંટાયા હતા, જે સમગ્ર ભારતમાં ત્રીજા સૌથી વધુ મતો મેળવનાર ઉમેદવાર હતા.
