- પાકિસ્તાનની ચૂંટણીમા શરૂઆતથી જ અનેક ગોટાળાઓનો આક્ષેપ
- ઈમરાન ખાન દ્વારા સમર્થિત ઉમેદવારો હંમેશા કરી રહયા છે આક્ષેપ
- ઈમરાનખાન સમર્થિત અને નવાઝ શરીફની પાર્ટી વચ્ચે ચકમક
ચૂંટણી પ્રચાર દરમિયાન ઈમરાન ખાન દ્વારા સમર્થિત ઉમેદવારોએ આક્ષેપ કર્યો હતો કે, પાકિસ્તાની સેના તેમને ચૂંટણી સભાઓ કરવા દેતી નથી. પરંતુ અંતિમ જાહેર કરાયેલી યાદીમાં લાહોર બેઠક પર ચૂંટણી લડી રહેલા 18 ઉમેદવારોમાંથી 14ને 0 મત દર્શાવવામાં આવ્યા છે.લાહોરથી નવાઝ શરીફને વિજેતા જાહેર કરવામાં આવ્યા છે. પરંતુ તેમની જીતમાં ધાંધલ ધમાલના આક્ષેપ છે. ચાલો તમને જણાવીએ કે, નવાઝની જીત પર સવાલો કેમ ઉઠાવવામાં આવી રહ્યા છે?
ચૂંટણીમા આક્ષેપ
ચૂંટણી પ્રચાર દરમિયાન ઈમરાન ખાન દ્વારા સમર્થિત ઉમેદવારોએ આક્ષેપ કરવામા આવ્યો હતો કે, પાકિસ્તાની સેના તેમને ચૂંટણી સભાઓ કરવા દેતી નથી. આ સિવાય પાકિસ્તાની સેના પર નવાઝ શરીફની પાર્ટી ‘પાકિસ્તાન મુસ્લિમ લીગ-એન’ને ખુલ્લેઆમ સમર્થન કરવાનો આક્ષેપ છે. હવે નવાઝ શરીફે જીતેલી લાહોર બેઠકના પરિણામો શંકાના દાયરામાં છે. શરીફની જીતની ઘોષણા કરતી સ્લિપ (ફોર્મ 47) 14 ઉમેદવારો માટે 0 મત દર્શાવે છે, આ સિવાય ગણતરી કરાયેલા મતો પડેલા મતો કરતાં વધુ છે.
શંકા હેઠળ પરિણામો
નવાઝ શરીફે લાહોર બેઠક પરથી પીટીઆઈ સમર્થિત ઉમેદવાર યાસ્મીન રશીદને 1,71,024 મતોથી હરાવ્યા છે. પરંતુ અંતિમ જાહેર કરાયેલી યાદીમાં લાહોર બેઠક પર ચૂંટણી લડી રહેલા 18 ઉમેદવારોમાંથી 14ને 0 મત દર્શાવવામાં આવ્યા છે. જેને લઈને વિરોધીઓ સવાલો ઉઠાવી રહ્યા છે કે, શું આ ઉમેદવારોના પરિવારજનોએ પણ મતદાન નથી કર્યું? આ સિવાય કુલ પડેલા મતો 2,93,693 દર્શાવવામાં આવ્યા છે. અને માન્ય મતોની આગળ 2,94,043 મત દર્શાવવામાં આવ્યા છે. ફોર્મ 47માં આ ખામીએ નવાઝ શરીફ અને પાકિસ્તાન ચૂંટણી પંચ પર ઘણા સવાલો ઉભા કર્યા છે. તમને જણાવી દઈએ કે મત ગણતરીની શરૂઆતથી જ નવાઝ શરીફ ઇમરાને યાસ્મીન રાશિદને સમર્થન આપતાં પાછળ હતા, પરંતુ અચાનક જ તેમને વિજેતા જાહેર કરવામાં આવ્યા છે. હવે ફોર્મ 47 સોશિયલ મીડિયા પર ઝડપથી વાયરલ થઈ રહ્યું છે.
બીજી સીટ પર નવાઝની ખરાબ હાર
નવાઝ શરીફ આ ચૂંટણીમાં બે બેઠકો પરથી ચૂંટણી લડી રહ્યા હતા. પાકિસ્તાની મીડિયા અનુસાર, નવાઝ શરીફને એનએ-15 માનસેહરા સીટ પર પીટીઆઈ સમર્થિત અપક્ષ ઉમેદવાર શાહજાદા ગસ્તાસાપની સામે હારનો સામનો કરવો પડ્યો છે. પીટીઆઈના નેતાઓ આખા પાકિસ્તાનમાં પોતાની સરકાર બનાવવાનો દાવો કરી રહ્યા છે, અહેવાલો અનુસાર લગભગ 70 સીટોના પરિણામો જાહેર થઈ ગયા છે. જેમાં PTI સમર્થિત (અપક્ષ ઉમેદવારો) – 24, PPP – 24, PMLN – 18, અન્યોએ 4 બેઠકો જીતી છે. હાલમાં 195 બેઠકો માટે મતગણતરી ચાલી રહી છે.
