- માન્ચેસ્ટરથી ન્યૂ યોર્કની જનાર ફ્લાઇટ ટેક-ઓફ પહેલાં રદ
- વિમાનની એક પાંખમાંથી બોલ્ટ ગુમ થયા બાદ ફલાઈટ રદ
- મુસાફરોને અલગ-અલગ ફ્લાઈટમાં ન્યૂયોર્ક મોકલાયા
માન્ચેસ્ટરથી ન્યૂ યોર્કની જવા નીકળેલી વર્જિન એટલાન્ટિક ફ્લાઇટને ટેક-ઓફ પહેલાં રદ કરવામાં આવી હતી. એક 41 વર્ષીય બ્રિટિશ પેસેન્જરે વિમાનની એક પાંખમાંથી બોલ્ટ ગુમ થયાની જાણકારી આપી હતી. તેણે તરત જ આ વાત કેબિન ક્રૂને જાણ કરી. કેબિન ક્રૂ એ તરત જ એન્જિનિયર્સને આ વાતની જાણ કરી વિમાનની તપાસ હાથ ધરવામા આવી હતી.
વિમાનની એક પાંખમાંથી બોલ્ટ ગુમ
મળતી માહિતી અનુસાર 15 જાન્યુઆરીના રોજ, ફ્લાઇટ VS127 પર સવાર 41 વર્ષીય બ્રિટિશ મુસાફરને સુરક્ષા બ્રીફિંગ દરમિયાન ચાર ગુમ થયેલા બોલ્ટ જોયા હતા. બોલ્ટ ગુમ થયાની જાણ કરનાર મુસાફર ફિલ હાર્ડીએ કેનેડી જણાવ્યું છે કે જ્યારે તે ક્રૂ મેમ્બરને આ માહિતી આપી રહ્યો હતો ત્યારે તેના સાથીદારને તે પસંદ નહોતું. ફિલ હાર્ડીએ સુરક્ષિત પ્રવાસને ધ્યાનમાં રાખીને ક્રૂ મેમ્બરને આ અંગે જાણ કરવી યોગ્ય માની હતી.
ચાર બોલ્ટ ગાયબ હોવાના સમાચાર
વિમાન ઉત્પાદક વર્જિન એટલાન્ટિકના પ્રવક્તાએ જણાવ્યું હતું કે તપાસ કરી રહેલા એન્જિનિયરોને વિમાનનું યોગ્ય રીતે નિરીક્ષણ થાય તે માટે પૂરતો સમય આપવા ફ્લાઇટ રદ કરવામાં આવી હતી. વર્જિન એટલાન્ટિકના જણાવ્યા અનુસાર નિરીક્ષણ ટીમને જાણવા મળ્યું કે વિમાનની પાંખ પરના 119 બોલ્ટમાંથી ચાર બોલ્ટ ગાયબ હતા.
દરેક પાંખમાં 119 બોલ્ટ હોય છે
વિમાન નિર્માતા વર્જિન એટલાન્ટિક અને એરબસ બંનેએ જણાવ્યું હતુ કે ચાર ગુમ થયેલા બોલ્ટથી કોઈપણ મુસાફરોને જોખમમાં મૂકાય તેવી શક્યતા નથી. એરબસ A330 ની દરેક વિંગ પેનલમાં 119 બોલ્ટ હોય છે, જેમાંથી માત્ર ચાર જ ગાયબ છે. પાંખની રચના એવી છે કે ચાર બોલ્ટ ગુમ થવાથી તેની અસર થતી નથી.
ગ્રાહકો અને ક્રૂની સલામતી ટોચની પ્રાથમિકતા
મુખ્ય વિંગ એન્જિનિયરે જણાવ્યું હતું કે વિમાન ઉડવા માટે સુરક્ષિત છે. “અમારા ગ્રાહકો અને ક્રૂની સલામતી હંમેશા અમારી ટોચની પ્રાથમિકતા છે. આમાં કોઈપણ તબક્કે સમાધાન કરવામાં આવતું નથી. વર્જિન એટલાન્ટિકના પ્રતિનિધિએ જણાવ્યું કે, “અમે હંમેશા ઉદ્યોગ સુરક્ષાના ધોરણોથી ઉપર ઉઠી કામ કરીએ છીએ અને હવે એરક્રાફ્ટ ફરીથી સેવામાં આવી ગયું છે.”
મુસાફરોને અલગ-અલગ ફ્લાઈટમાં ન્યૂયોર્ક મોકલાયા
આ ઘટના બાદ પેસેન્જરોને માન્ચેસ્ટરથી ન્યૂયોર્ક અલગ-અલગ ફ્લાઈટમાં મોકલવામાં આવ્યા હતા. આ ઘટના 6 જાન્યુઆરીએ અલાસ્કા એરલાઇન્સના બોઇંગ 737 મેક્સ-9ને ઇમરજન્સીનો સામનો કર્યાના દિવસો બાદ થઈ હતી. મેક્સનો એક દરવાજો હવામાં ખૂલી ગયો હતો. FAA એ 171 બોઇંગ 737 મેક્સ-9 એરક્રાફ્ટનું સંપૂર્ણ નિરીક્ષણ બાકી છે.
