OBC સમાજના પ્રશ્નોને વાંચા આપવા પ્રતિબધ્ધ : ડો.મહેશ રાજપૂત
કોંગ્રેસ ઓબીસી ડિપાર્ટમેન્ટના પ્રદેશ પ્રમુખ તરીકે ડો.મહેશ રાજપૂતની નિયુકિત : ‘અગ્ર ગુજરાત’ કાર્યાલયની લીધી શુભેચ્છા મુલાકાત
અગ્ર ગુજરાત, રાજકોટ
ગુજરાત પ્રદેશ કોંગ્રેસ સમિતિના ઓબીસી ડિપાર્ટમેન્ટના ચેરમેન તરીકે રાજકોટના ડો.મહેશ રાજપુતની નિમણુંક કરવામાં આવી છે. ઓબીસી સમાજના તમામ પ્રશ્નોને વાચા આપવા પ્રતિબધ્ધ હોય તેવું ‘અગ્ર ગુજરાત’ કાર્યાલયની મુલાકાત દરમ્યાન જણાવ્યું હતું.
‘અગ્ર ગુજરાત’ કાર્યાલયની મુલાકાત દરમિયાન તેમની સાથે ભારતીય રાષ્ટ્રીય કોંગ્રેસના મંત્રી અને રાજસ્થાનના પ્રભારી પૂર્વ ધારાસભ્ય ઋત્વીકભાઇ મકવાણા, પૂર્વ ધારાસભ્ય અને પૂર્વ ચેરમેન ઓબીસી ડિપાર્ટમેન્ટ ગુજરાત પ્રદેશ કોંગ્રેસ સમિતિ રાજેશભાઇ ગોહિલ, ડો.હેમાંગભાઇ વસાવડા ચેરમેન ડોકટર સેલ જીપીસીસી, ડો.રાજદીપસિંહ જાડેજા પ્રમુખ રાજકોટ શહેર કોંગ્રેસ, પ્રદીપભાઇ ત્રિવેદી પૂર્વ પ્રમુખ રાજકોટ શહેર કોંગ્રેસ, દિનેશભાઇ મકવાણા પૂર્વ મહામંત્રી જીપીસીસી, ભાર્ગવ પઢીયાર પ્રમુખ રાજકોટ શહેર ઓબીસી વિભાગ, હાર્દિક પરમાર પૂર્વ પ્રમુખ રાજકોટ શહેર ઓબીસી વિભાગ, રાજેશ આમરણીયા પૂર્વ પ્રમુખ રાજકોટ શહેર ઓબીસી વિભાગ, ભાવેશ ખાચરીયા પૂર્વ ચેરમેન સેવાદળ રાજકોટ, નરેશભાઇ સાગઠીયા ઉપપ્રમુખ એસસી વિભાગ જીપીસીસી, પ્રવિણભાઇ સોરાણી પૂર્વ કોર્પોરેટર આરએમસી, ઘનશ્યામસિંહ જાડેજા પૂર્વ કોર્પોરેટર, નિલેશભાઇ મારૂ પૂર્વ કોર્પોરેટર હાજર રહ્યા હતાં.
