- પાડોશી દેશ ચીનમાં ભાડાની કૂખ માટે કંપનીઓ આપી રહી છે વિચિત્ર ઓફર્સ
- માતા બનવું એ દરેક સ્ત્રી માટે જીવનનો સૌથી વિશેષ અનુભવ છે
- સરોગસી માટે મહિલાઓની ઉંમર પ્રમાણે કંપની લાખો આપી રહી છે
માતા બનવું એ દુનિયાની દરેક સ્ત્રી માટે જીવનનો સૌથી વિશેષ અનુભવ છે. તે તેમને શારીરિક, ભાવનાત્મક અને માનસિક રીતે અસર કરે છે. જરા વિચારો, જો આને વ્યાપારી દ્રષ્ટિકોણથી જોવામાં આવે તો લોકોને ચોક્કસ આશ્ચર્ય થશે. આપણા પાડોશી દેશ ચીનમાં પણ આવું જ વલણ ચાલુ છે. અહીંની મહિલાઓને ખુલ્લેઆમ સરોગેટ માતા બનવાની ઓફર આપવામાં આવી રહી છે, જે દરેકને આશ્ચર્યમાં મૂકી દે છે.
ચીનથી મળતી માહિતી અનુસાર, ત્યાંની ઘણી કંપનીઓ મહિલાઓ માટે વિચિત્ર ઑફર્સ આપી રહી છે. તેમના મતે, કોઈપણ મહિલા કે જેની ઉંમર 28 થી 29 વર્ષની વચ્ચે હોય તે બાળકો પેદા કરીને મોટી કમાણી કરી શકે છે. આ એક પ્રકારની કોમર્શિયલ એડ છે, જેના દ્વારા મહિલાઓને બાળકો પેદા કરીને પૈસા કમાવવા માટે સમજાવવામાં આવે છે.
‘બાળકો રાખો અને પૈસા કમાવો’
ચીનના હેનાન પ્રાંતમાં હ્યુચેન હાઉસકીપિંગે ઓફર કરી છે કે મહિલાઓ સરોગેટ માતા બનીને પૈસા કમાઈ શકે છે. કંપની દ્વારા તેમને તેમની ઉંમર પ્રમાણે અલગ-અલગ પેકેજ પણ આપવામાં આવી રહ્યા છે. જેમાં 28 વર્ષની મહિલાને 220,000 યુઆન (25,23,783 રૂપિયા) અને 29 વર્ષની મહિલાને માતા બનવા માટે 210,000 યુઆન (24,19,057 રૂપિયા) આપવામાં આવી રહ્યા છે. આવી સ્થિતિમાં જેમ જેમ ઉંમર વધશે તેમ તેમ તેમને સરોગસી માટે મળનારી રકમમાં ઘટાડો થશે. જો 40-42 વર્ષની મહિલા બાળકને જન્મ આપે છે તો કંપની તેને 20 લાખ રૂપિયા આપશે.
સરોગસી બિઝનેસ ઝડપથી વધી રહ્યો છે
જ્યારે ચીની મીડિયાએ કંપનીને આ વિશે પૂછ્યું તો તેણે કહ્યું કે હાલમાં શિનજિયાંગ અને શાંઘાઈમાં સરોગસી બિઝનેસ સારી રીતે ચાલી રહ્યો છે. આ માટેના પૈસા ક્લાયન્ટની ઇચ્છા મુજબ નક્કી કરવામાં આવે છે. હવે જાહેરાત સામે આવ્યા બાદ અધિકારીઓએ આ મામલે તપાસ શરૂ કરી છે, કારણ કે ચીનમાં પૈસા લઈને બાળકોને જન્મ આપવો ગેરકાયદેસર છે. વિશ્વભરના સોશિયલ મીડિયા યુઝર્સે આ મુદ્દે ટિપ્પણી કરી અને તેને માનવ તસ્કરી વધારવાનો પ્રયાસ ગણાવ્યો.
