- 39 વર્ષીય સતાર દલનું હાર્ટ એટેકથી મોત
- અચાનક બેભાન થઈ ઢળી પડ્યા બાદ મોત
- રાજ્યમાં હાર્ટ એટેકના કેસો વધી રહ્યાં છે
રાજ્યમાં હાર્ટ એટેકથી વધુ એક મોત થયુ છે. જેમાં રાજકોટમાં હાર્ટ એટેકથી યુવકનું મોત થયુ છે. 39 વર્ષીય સતાર દલનું હાર્ટ એટેકથી મોત થતા પરિવારમાં શોકનો માહોલ છે. અચાનક બેભાન થઈ ઢળી પડ્યા બાદ યુવાનનું મોત થયુ છે.
રાજ્યમાં હાર્ટ એટેકના કેસો વધી રહ્યાં છે
શહેરના જંગલેશ્વર વિસ્તારમાં રહેતા સતારભાઈ હારૂનભાઈ દલ (ઉ.વ.39) સવારે પોતાના ઘરેથી નજીકમાં આવેલ દુકાને ફાકી ખાવા માટે જતા હતા. ત્યારે ઘર પાસેથી અચાનક બેભાન થઈ ઢળી પડયા હતા. અને મોતને ભેટ્યા હતા. રાજ્યમાં હાર્ટ એટેકના કેસો વધી રહ્યાં છે. જેમાં ગઇકાલે ભાવનગર મેડિકલ કોલેજના 20 વર્ષના વિદ્યાર્થીને હાર્ટ અટેક આવતા મોતને ભેટ્યો હતો. તો બીજી તરફ ધારાસભ્ય રમેશ ટીલાળાને હળવો હાર્ટ એટેક આવ્યો હતો. આ અંગે સામે આવેલી વિગતો અનુસાર રમેશ ટીલાળા રાત્રે એક લગ્ન પ્રસંગમાં હાજરી આપવા ગયા હતા તે સમયે તબિયત લથળી હતી. તબીબી નિદાનમાં હળવો એટેક આવ્યાનું સામે આવ્યું હતુ. હાલમાં ધારાસભ્યની તબિયત સારી હોવાનું સામે આવ્યું છે અને જરૂરી મેડિકલ ચેક અપ કરવામાં આવી રહ્યું છે.
વિદ્યાર્થીને ઊંઘમાં જ અટેક આવી જતાં મોત થયું
રાજ્યમાં સતત વધી રહેલા હાર્ટ અટેક અને તેનાથી થતાં મોતના કિસ્સા ચિંતા વધારી છે. નાની વયે હાર્ટ અટેકના કેસ ચિંતાજનક રીતે વધી રહ્યા છે. કોરોના બાદ નાની વયે આવતા હાર્ટ અટેક અને તેનાથી થતાં મોતની સિલસિલો થંભવાનું નામ લેતો નથી. રાજ્ય દરરોજ સરેરાશ એકથી ત્રણ હાર્ટ અટેકના કિસ્સા બની રહ્યાં છે. ગઇકાલે ભાવનગર મેડિકલ કોલેજના 20 વર્ષના વિદ્યાર્થીને હાર્ટ અટેક આવતા મોત થયું હતુ. જીગર ચૌધરી નામનો યુવક MBBSમાં સેકન્ડ ઇયરમાં અભ્યાસ કરતો હતો. વિદ્યાર્થીને ઊંઘમાં જ અટેક આવી જતાં મોત થયું હતુ.
