- પશ્ચિમબંગાળમાં 42 સીટો પર ઉમેદવારની જાહેરાત
- કોંગ્રેસ-ટીએમસીનું ગઠબંધન રહ્યુ નહી
- કોંગ્રેસે કહ્યું આ એક તરફી જાહેરાત યોગ્ય નહી
પશ્ચિમ બંગાળમાં મમતા બેનર્જીની આગેવાની હેઠળ તમામ 42 બેઠક પર લોકસભાની ચૂંટણી માટે ઉમેદવારોની જાહેરાત કરવામાં આવી છે. ટીએમસીની આ જાહેરાત સાથે જ બંગાળમાં ટીએમસી અને કોંગ્રેસ અલગ થઇ ગયા છે. કોંગ્રેસને હવે બંગાળમાં માત્ર ડાબેરી પક્ષો સાથે ગઠબંધનની આશા છે. ત્યારે આ મામલે હવે કોંગ્રેસે રાજ્યમાં ગઠબંધનને લઇને મહત્વનું નિવેદન આપ્યું છે.
કોંગ્રેસે દર્શાવી નારાજગી
આ અંગે કોંગ્રેસ અધ્યક્ષ મલ્લિકાર્જુન ખડગેએ કહ્યું, અમારા દરવાજા હંમેશા ખુલ્લા છે અને ગઠબંધન કોઈપણ સમયે વિડ્રોઅલ શકે છે. જ્યારે કોંગ્રેસના મહાસચિવ જયરામ રમેશે કહ્યું, કોંગ્રેસ હંમેશા કહે છે કે તે પશ્ચિમ બંગાળમાં ટીએમસી સાથે સન્માનજનક બેઠક વહેંચણીની ફોર્મ્યુલા ઈચ્છે છે. તેનો અર્થ છે કે પરસ્પર વાતચીત. એક પ્રકારનું ગિવ એન્ડ ટેક અને કરાર. અમે હંમેશા કહ્યું છે કે વાતચીત અને સીટ વહેંચણી માટે અમારા દરવાજા હંમેશા ખુલ્લા છે. પરંતુ સીટોની આવી એક તરફી જાહેરાત ન થવી જોઇએ.
જયરામ રમેશે કહ્યું- ખબર નથી ટીએમસી પર શું દબાણ હતું
તેમણે કહ્યું કે આપણે સાથે મળીને સીટોની જાહેરાત કરવી જોઈતી હતી જેમ આપણે દિલ્હી, યુપી, તમિલનાડુ અને મહારાષ્ટ્રમાં કરી હતી. હવે ટીએમસીએ સીટોની જાહેરાત કરી છે. જો કે, અમને ખબર નથી કે TMC પર શું દબાણ હતું, પરંતુ જ્યાં સુધી અમારો સંબંધ છે, અમે પશ્ચિમ બંગાળમાં ભારત ગઠબંધનને મજબૂત કરવા માંગીએ છીએ. હવે જોઈએ આગળ શું થાય છે.
