ઓપરેશન સિંદૂર બાદ ભારતને બીજી મોટી સફળતા મળી છે. કંદહાર IC-814 હાઇજેક કાંડનો માસ્ટરમાઇન્ડ રઉફ અઝહર એક હુમલામાં માર્યો ગયો હોવાના અહેવાલ છે.બુધવારે રઉફ અઝહર ઓપરેશન સિંદૂરમાં માર્યા ગયેલા મૃત આતંકવાદીઓ માટે પ્રાર્થના કરતો જોવા મળ્યો હતો.
ભારતીય સેનાએ કંદહાર હાઇજેકના માસ્ટરમાઇન્ડ રઉફ અઝહરને ઠાર માર્યો છે. તે મિસાઇલ હુમલામાં માર્યો ગયો છે. સેનાએ મંગળવાર અને બુધવારે રાત્રે પાકિસ્તાનમાં 9 આતંકવાદી ઠેકાણાઓ પર હુમલો કર્યો હતો. આમાં 100થી વધુ આતંકવાદીઓ માર્યા ગયા છે.રક્ષામંત્રી રાજનાથ સિંહે કહ્યું હતું કે ઓપરેશન સિંદૂર હજુ પણ ચાલુ છે.
કંદહાર હાઇજેકના માસ્ટરમાઇન્ડ રઉફ અઝહરને ઠાર માર્યો
અબ્દુલ રૌફ અઝહર જૈશ-એ-મોહમ્મદનો મોટો આતંકવાદી હતો. તેણે IC-814 ફ્લાઇટના અપહરણમાં મહત્વપૂર્ણ ભૂમિકા ભજવી હતી. તે આ હાઇજેકનો માસ્ટરમાઇન્ડ હતો. ભારતીય સેનાએ પાકિસ્તાન અને PoKમાં બહાવલપુર અને મુરીદકેમાં આતંકવાદી ઠેકાણાઓને નિશાન બનાવ્યા હતા. ભારતીય સેનાએ વાયુસેના સાથે પણ આમાં મહત્વપૂર્ણ ભૂમિકા ભજવી હતી. પાકિસ્તાને પોતે સ્વીકાર્યું હતું કે ભારતના હુમલામાં તેના ઘણા લોકો માર્યા ગયા હતા.
રઉફ અઝહર IC-814 હાઇજેકને અંજામ આપવામાં મહત્વપૂર્ણ ભૂમિકા ભજવી હતી. ત્યાર બાદ અલ-કાયદાના મુખ્ય કાર્યકર્તા ઓમર સઈદ શેખને મુક્ત કરવાની ફરજ પડી હતી. ત્યારબાદ અલ-કાયદાના આતંકવાદી ઓમર સઈદ શેખે વોલ સ્ટ્રીટ જર્નલના અમેરિકન-યહૂદી પત્રકાર ડેનિયલ પર્લનું અપહરણ કરીને હત્યા કરી હતી.
ભારતના હુમલામાં મસૂદ અઝહરના પરિવારના 10 સભ્યો મર્યા
ઓપરેશન સિંદૂર હેઠળ પાકિસ્તાનના બહાવલપુરમાં જૈશ-એ-મોહમ્મદના મુખ્યાલય પર ભારતીય હવાઈ હુમલામાં મસૂદ અઝહરના પરિવારના 10 સભ્યો માર્યા ગયા હતા. કેટલાક અહેવાલોમાં, અઝહર ગંભીર રીતે ઘાયલ દર્શાવવામાં આવ્યો હતો. ગઈકાલે તે આતંકવાદીઓના અંતિમ સંસ્કારમાં નમાઝ અદા કરતો જોવા મળ્યો હતો. હવે સમાચાર છે કે તેનું મૃત્યુ થયું છે. રૌફ અઝહરના મૃત્યુને આતંકવાદ માટે મોટો ફટકો માનવામાં આવી રહ્યો છે કારણ કે તે કંદહાર IC-814 હાઇજેક સહિત ભારત પરના ઘણા હુમલાઓ માટે જવાબદાર હતો.
પાકિસ્તાને LoC પર ગોળીબારમાં વધારો કર્યો
પહલગામ હુમલા બાદ પાકિસ્તાન સતત યુદ્ધવિરામનો ભંગ કરી રહ્યું છે અને હવે LoC પર ગોળીબારમાં વધારો કર્યો છે. પાકિસ્તાને જમ્મુ અને કાશ્મીરના કુપવાડા, બારામુલ્લા, ઉરી, પૂંછ, મેંધાર અને રાજૌરી સેક્ટરમાં નિયંત્રણ રેખા નજીક મોર્ટાર અને ભારે કેલિબર બંદૂકોનો ઉપયોગ કર્યો છે. ભારતીય સેનાએ પણ પાકિસ્તાનને યોગ્ય જવાબ આપ્યો છે. ઓપરેશન સિંદૂર પછી પાકિસ્તાન વધુ નારાજ છે. આતંકવાદી ઠેકાણાઓના વિનાશને કારણે તેને મોટો ઝટકો લાગ્યો છે.
