પાકિસ્તાનના ભૂતપૂર્વ ખેલાડી શાહિદ આફ્રિદીને ભારત સરકાર તરફથી મોટો ઝટકો લાગ્યો છે. સરકારે શાહિદ આફ્રિદી સામે મોટી કાર્યવાહી કરી છે. હકીકતમાં આફ્રિદી પહેલગામ આતંકવાદી હુમલા અંગે ભારત સામે પોતાનો ગુસ્સો ઠાલવી રહ્યો હતો. તે સતત ભારતીય સેના અને સરકાર વિરુદ્ધ ઝેર ઓકતો રહ્યો. હવે સરકારે તેની સામે કડક કાર્યવાહી કરી છે.
સરકારે લીધાં કડક પગલાં
ભારત સરકારે શાહિદ આફ્રિદીને મોટો ઝટકો આપ્યો. ભારતમાં શાહિદ આફ્રિદીની યુટ્યુબ ચેનલ બ્લોક કરી દેવામાં આવી છે. આનો અર્થ એ થયો કે હવે એ સ્પષ્ટ થઈ ગયું છે કે શાહિદ આફ્રિદી તેની યુટ્યુબ ચેનલ પર જે પણ વીડિયો અપલોડ કરશે, તે ભારતના લોકો જોઈ શકશે નહીં. આ કાર્યવાહીથી તેને મોટું નુકસાન થશે.
ભારત વિરુદ્ધ ઓકવામાં આવ્યું ઝેર
22 એપ્રિલે જમ્મુ અને કાશ્મીરના પહેલગામમાં એક આતંકવાદી હુમલો થયો હતો, જેમાં 26 નિર્દોષ લોકોએ જીવ ગુમાવ્યા હતા. આ હુમલા પછી શાહિદ આફ્રિદીએ ભારત વિરુદ્ધ ઝેર ઓક્યું. એક ટીવી ચેનલ પર બોલતી વખતે તેને કહ્યું હતું કે તમારી 8 લાખની સેના કાશ્મીરમાં તૈનાત છે અને છતાં પણ આવું થયું. આનો સીધો અર્થ એ છે કે તમે લોકો નિષ્ફળ છો, અસમર્થ છો – તમે સામાન્ય લોકોને સુરક્ષા પણ આપી શક્યા નથી.
આ સાથે તેને ભારતીય ખેલાડીઓ પર પણ નિશાન સાધ્યું. તેને કહ્યું કે ભારતના બે મોટા ખેલાડીઓ, જેમને દેશ માટે ઘણું ક્રિકેટ રમ્યું છે અને રાજદૂત પણ રહી ચૂક્યા છે, તેમને પાકિસ્તાન સામે સીધા બહિષ્કારની માગ કરી છે. તે ક્રિકેટ રમવાની ના પાડે છે, પણ કબડ્ડી રમવા આવે છે. જો તમારે કોઈ સંબંધ તોડવો જ પડે, તો તેને સંપૂર્ણપણે તોડી નાખો, અડધા દિલથી નહીં.
શિખર ધવને આપ્યો યોગ્ય જવાબ
શાહિદ આફ્રિદીને જડબાતોડ જવાબ આપતા શિખર ધવને કહ્યું કે તેઓએ તમને કારગિલમાં પણ હરાવ્યા હતા, તમે પહેલાથી જ આટલા નીચે પડી ગયા છો, હજુ કેટલું પડશો. શાહિદ આફ્રિદી, બકવાસ કરવાને બદલે, તમારા દેશની પ્રગતિ પર ધ્યાન કેન્દ્રિત કરવું વધુ સારું છે. અમને અમારી ભારતીય સેના પર ગર્વ છે. ભારત માતા કી જય…જય હિન્દ.
શિખર ધવનના આ નિવેદન બાદ શાહિદ આફ્રિદીએ ફરી એક પોસ્ટ શેર કરીને પ્રતિક્રિયા આપી છે. આ વખતે શાહિદ આફ્રિદીએ બધી હદો પાર કરી દીધી. શિખર ધવન પર કટાક્ષ કરતા તેને કહ્યું કે “જીત કે હાર ભૂલી જા, આવ, હું તને ચા પીવડાવી દઉં, શિખર.”
