- સ્વીટર્ઝલેન્ડમાં પીડારહિત મશીન બન્યું છે જે કોઈપણ વ્યકિતને પાંચ મિનિટમાં મોત આપે છે
- એક બટન દબાવવાથી પેટીમાં રહેવી વ્યકિત મોતને ભેટે છે
- આ મોત આપતા પોડની કિંમત દોઢ લાખ જેટલી થાય છે
વિશ્વમાં ઘણા પ્રકારના લોકો હોય છે અને તેમના જીવનમાં અનેક પ્રકારની સમસ્યાઓ હોય છે જેના કારણે ઘણા લોકો આત્મહત્યાનો માર્ગ અપનાવી જીવનનો અંત લાવે છે. પરંતુ હવે એક ચોંકાવનારી વાત સામે આવી છે. આત્મહત્યા કરવાના ઘણા રસ્તા હતા, લોકો પોતાને ફાંસી આપતા, પુલ, ઈમારતો, પહાડો પરથી કૂદી જતા અથવા ઝેર પી લેતા. આ બધી બાબતોમાં, વ્યક્તિને મરતા પહેલા ઘણી મુશ્કેલીનો સામનો કરવો પડતો હતો, પરંતુ હવે કંઈક એવું સામે આવ્યું છે જેના કારણે વ્યક્તિને જીવનનો અંત લાવવા અને મૃત્યુને ગળે લગાવવામાં કોઈ મુશ્કેલીનો સામનો કરવો નહીં પડે. બટન દબાવતા જ શ્વાસ બંધ થઈ જશે.
સ્વિટ્ઝર્લેન્ડે એક એવી શોઘ કરી છે કે જેમાં માત્ર એક બટન દબાવવાથી વ્યક્તિ સરળતાથી મરી શકે છે. આ મશીનને સુસાઈડ પોડ કહેવામાં આવે છે. આ સુસાઈડ પોડ બનાવનાર ગ્રુપે કહ્યું કે તેઓને આશા છે કે સ્વિત્ઝર્લેન્ડમાં થોડા મહિનામાં પહેલીવાર નવા પોર્ટેબલ સુસાઈડ પોડનો ઉપયોગ કરવામાં આવશે. જેના કારણે કોઈ પણ પ્રકારની મેડિકલ સુવિધા વિના વ્યક્તિનું મૃત્યુ થઈ શકે છે.
મૃત્યુ કેવી રીતે થાય છે
સૌ પ્રથમ, જે પણ સુસાઈડ પોડની અંદર જાય છે તેને પૂછવામાં આવે છે કે તમારું નામ શું છે, તમે ક્યાં રહો છો, જેની સાથે તેમને પૂછવામાં આવે છે કે શું તમે જાણો છો કે તમે બટન દબાવો તો તમારું શું થશે. આ તે સમય છે જ્યારે વ્યક્તિને તેના નિર્ણય વિશે ફરીથી વિચારવાની તક આપવામાં આવે છે. તે પછી, જો વ્યક્તિ બટન દબાવશે, તો હવામાં હાજર ઓક્સિજન આગામી 30 સેકન્ડમાં 21 ટકાથી ઘટીને 0.05 ટકા થઈ જશે અને આગામી 5 મિનિટમાં વ્યક્તિ એવી ઊંઘમાં આવી જશે જે ક્યારેય જાગતી નથી. જો કે, પહેલાથી જ કહેવામાં આવ્યું છે કે એકવાર બટન દબાવવામાં આવ્યા પછી, નિર્ણય બદલવાનો કોઈ રસ્તો નથી.
કાયદો આવા મૃત્યુને મંજૂરી આપે છે
સ્વિસ સંસ્થા ધ લાસ્ટ રિસોર્ટે કહ્યું કે સ્વિટ્ઝર્લેન્ડમાં સુસાઈડ પોડ્સના ઉપયોગ પર કોઈ કાનૂની પ્રતિબંધ નથી, સ્વિસ કાયદો લોકોને આ રીતે મરવાની છૂટ આપે છે. તમને જાણીને નવાઈ લાગશે કે લાસ્ટ રિસોર્ટના ચીફ એક્ઝિક્યુટિવ ફ્લોરિયન વિલેટે કહ્યું કે અમારી પાસે એવા લોકોની લાઈન છે જેઓ આ સુસાઈડ પોડનો ઉપયોગ કરીને મરવા ઈચ્છે છે. તેણે આગળ કહ્યું, હું આનાથી વધુ સારી રીતે મરવાનો વિચાર કરી શકતો નથી.
આત્મહત્યા પોડની કિંમત
આ આત્મહત્યા પોડ મફત નથી, તમારે આ આત્મહત્યા પોડ માટે ચૂકવણી કરવી પડશે. આ સુસાઈડ પોડનો ઉપયોગ કરવા માટે વ્યક્તિએ 1 લાખ 67 હજાર રૂપિયા ચૂકવવા પડશે. તે પછી જ તેઓ આત્મહત્યા માટે આ પોડનો ઉપયોગ કરી શકશે.
વાપરવાના નિયમો
આ મશીનનો ઉપયોગ કરવા માટે કોઈ કાનૂની પ્રતિબંધ નથી, પરંતુ તેનો ઉપયોગ કરવા માટે કેટલીક શરતો છે. જેમાં પ્રથમ શરત એ છે કે સુસાઈડ પોડનો ઉપયોગ કરનાર વ્યક્તિ માનસિક રીતે સ્વસ્થ હોવી જોઈએ. ઉપરાંત, કોઈપણ વ્યક્તિ મશીનનો ઉપયોગ કરે તે પહેલાં, તેની માનસિક તપાસ કરવામાં આવે છે, એક પરીક્ષણ લેવામાં આવે છે, ત્યારબાદ જ તેને સુસાઈડ પોડનો ઉપયોગ કરવાની મંજૂરી આપવામાં આવે છે.
