- ઈંગ્લેન્ડ અને પાકિસ્તાન વચ્ચે વર્લ્ડકપની મેચ
- કોલકાતાના ઈડન ગાર્ડન્સમાં બંને વચ્ચે મેચ
- પાકિસ્તાનને હવે સેમીફાઈનલમાં પહોંચવા માટે ચમત્કારની જરૂર
ઈંગ્લેન્ડ અને પાકિસ્તાન વચ્ચે વર્લ્ડકપ 2023ની મેચ શરૂ થઈ છે. કોલકાતાના ઈડન ગાર્ડન્સમાં બંને ટીમો આમને-સામને છે. અહીં ઈંગ્લેન્ડના કેપ્ટન જોસ બટલરે ટોસ જીતીને પ્રથમ બેટિંગ કરવાનો નિર્ણય લીધો છે. આ સાથે પાકિસ્તાન આ વર્લ્ડકપમાંથી સંપૂર્ણ રીતે બહાર થઈ ગયું છે. કારણ કે, હવે પાકિસ્તાને સેમીફાઈનલમાં પહોંચવા માટે માત્ર 3.4 ઓવરમાં ટાર્ગેટનો પીછો કરવો પડશે. જે અશક્ય છે.
પાકિસ્તાને પ્લેઈંગ ઈલેવનમાં કર્યો ફેરફાર
આજની મેચમાં પાકિસ્તાનની પ્લેઈંગ-11માં એક ફેરફાર થયો છે. ફાસ્ટ બોલર હસન અલીની જગ્યાએ સ્પિન ઓલરાઉન્ડર શાદાબ ખાનની વાપસી થઈ છે, જ્યારે ઈંગ્લેન્ડે તેની પાછલી મેચની પ્લેઈંગ-11ની સમાનતા જાળવી રાખી છે.
ટોસ બાદ બંને કેપ્ટને શું કહ્યુ્ં?
ટોસ જીત્યા બાદ ઈંગ્લેન્ડના કેપ્ટન જોસ બટલરે કહ્યું કે, અમે પહેલા બેટિંગ કરીશું. સારી વિકેટ દેખાઈ રહી છે. અમે પહેલા આ પિચનો ઉપયોગ કરવા માંગીએ છીએ, જ્યારે પાકિસ્તાનના કેપ્ટન બાબર આઝમે કહ્યું કે, અમે પહેલા બેટિંગ કરવા માંગતા હતા પરંતુ ટોસ અમારા હાથમાં નથી. અમારી પાસે સારા બોલરો છે અને અમે તેમને ઓછા સ્કોર પર આઉટ કરવા ઈચ્છીએ છીએ. અમે અમારું શ્રેષ્ઠ પ્રદર્શન કરશું.
બંને દેશની પ્લેઈંગ ઈલેવન-
ઈંગ્લેન્ડ: જોની બેરસ્ટો, ડેવિડ મલાન, જો રૂટ, બેન સ્ટોક્સ, હેરી બ્રૂક, જોસ બટલર (કેપ્ટન), મોઈન અલી, ક્રિસ વોક્સ, ડેવિડ વિલી, ગુસ એટકિન્સન, આદિલ રાશિદ
પાકિસ્તાનઃ અબ્દુલ્લા શફીક, ફખર જમાન, બાબર આઝમ (કેપ્ટન), મોહમ્મદ રિઝવાન(વિકેટકીપર), સઈદ શકીલ, ઈફ્તિખાર અહેમદ, આગા સલમાન, શાદાબ ખાન, શાહિન આફરીદી, મોહમ્મદ વસીમ જૂનિયર, હારિસ રઉફ
