પાકિસ્તાન અને દક્ષિણ આફ્રિકા વચ્ચે 26 ડિસેમ્બરે બે મેચની ટેસ્ટ સિરીઝની પ્રથમ મેચ રમાશે. આ મેચ સેન્ચુરિયનમાં રમાશે. દક્ષિણ આફ્રિકા આ મેચ માટે ટીમની જાહેરાત કરી ચૂકી છે. આ સિરીઝમાં પાકિસ્તાને પોતાની પ્લેઈંગ ઈલેવનની પણ જાહેરાત કરી દીધી છે. બાબર આઝમની ટીમમાં વાપસી થઈ છે. ઈંગ્લેન્ડ સામેની સિરીઝમાં તેને તક મળી ન હતી.
આ ખેલાડીઓને તક મળી
દક્ષિણ આફ્રિકા અને પાકિસ્તાન વચ્ચે પ્રથમ મેચ 26 ડિસેમ્બરથી શરૂ થશે. પાકિસ્તાનની કપ્તાની શાન મસૂદ કરી રહ્યો છે. બાબર આઝમની પ્લેઈંગ ઈલેવનમાં વાપસી થઈ છે. આ સિવાય નસીમ શાહ પણ પ્લેઇંગ 11નો ભાગ છે. મોહમ્મદ અબ્બાસને ત્રણ વર્ષ બાદ ટીમમાં તક મળી છે. ઓપનર અબ્દુલ્લા શફીકનું નામ પ્લેઈંગ 11માં સામેલ નથી. શાન મસૂદ આ મેચમાં ઓપનિંગ બેટ્સમેન તરીકે જોવા મળશે. જ્યારે બાબર આઝમ ત્રીજા નંબરે બેટિંગ કરશે.
દક્ષિણ આફ્રિકામાં શાનદાર પ્રદર્શન
દક્ષિણ આફ્રિકાએ પાકિસ્તાન સામે ટી-20 સિરીઝ જીતી હતી. પરંતુ પાકિસ્તાને વનડે સિરીઝમાં વાપસી કરી હતી. આ દરમિયાન તેઓએ દક્ષિણ આફ્રિકાને 3-0થી હરાવ્યું હતું. ચાહકો લાંબા સમયથી ટીમ પાસેથી આવા જ પ્રદર્શનની અપેક્ષા રાખી રહ્યા છે. બધાની નજર બાબર પર ટકેલી છે. તેની પાસે તેના ટીકાકારોને જવાબ આપવાની તક છે.
પાકિસ્તાન પ્લેઇંગ ઈલેવન
શાન મસૂદ (s), સામ અયુબ, બાબર આઝમ, કામરાન ગુલામ, મોહમ્મદ રિઝવાન (wk), સઈદ શકીલ (vc), સલમાન અલી આગા, આમિર જમાલ, નસીમ શાહ, ખુર્રમ શહઝાદ, મોહમ્મદ અબ્બાસ
દક્ષિણ આફ્રિકાની પ્લેઈંગ ઈલેવન
ટોની ડીજ્યોર્જ, એડન માર્કરામ, રેયાન રિકલ્ટન, ટ્રિસ્ટન સ્ટબ્સ, ટેમ્બા બાવુમા (c), ડેવિડ બેડિંગહામ, કાયલ વેરેન (wk), માર્કો જોહ્ન્સન, કાગીસો રબાડા, ડેન પેટરસન, કોર્બિન બોશ
