- હમાસ અને ઇઝરાયેલ યુદ્ધ વચ્ચે ઘડાઇ કૂટનીતિ
- પાકિસ્તાનની JUI-F પાર્ટીના નેતાએ હમાસના વડાને મળ્યા
- ચીફ ઈસ્માઈલ હનીયેહ સાથે મૌલાના ફઝલુર રહેમાને કરી બેઠક
ઇઝરાયેલ હમાસને ખતમ કરવા માટે તેના હુમલાઓને સતત તીવ્ર બનાવી રહ્યું છે. ગાઝા પર ચાલી રહેલા હુમલાને જોતા ઘણા મુસ્લિમ દેશો આતંકી સંગઠન હમાસના સમર્થનમાં આવ્યા છે. આ દરમિયાન પાકિસ્તાન પણ હમાસની સાથે ઉભું હોય તેવું લાગી રહ્યું છે. પાકિસ્તાનની JUI-F પાર્ટીના વડા મૌલાના ફઝલુર રહેમાન ગઈ કાલે કતારમાં હમાસના વડાને મળ્યા હતા અને સમર્થન માટે કહ્યું હતું.
હમાસ અને ઇઝરાયેલ યુદ્ધ વચ્ચે ઘડાઇ કૂટનીતિ
UI-F પાર્ટીના નેતાઓએ હમાસના નેતાઓ સાથે મુલાકાત કર્યા બાદ તેમના સમર્થનની પુનઃ પુષ્ટિ કરી અને કહ્યું કે, ઇઝરાયેલના અન્યાય સામે એક થવું ફરજ છે. ટ્વિટર પર JUI-Fએ અગાઉનું ટ્વિટરમાં જણાવ્યું હતું કે, મૌલવી કતારમાં હમાસના નેતાઓને મળ્યા હતા, જેમાં જૂથના ભૂતપૂર્વ વડા ખાલેદ મેશાલ અને તેના વડા ઇસ્માઇલ હનીયેહનો સમાવેશ થાય છે. તેમાં કહેવામાં આવ્યું છે કે પાર્ટીના નેતાઓએ પેલેસ્ટાઈન પર હુમલાનો વિરોધ કરતા ઈઝરાયેલ વિરુદ્ધ એક થવાની વાત કરી છે.
ઇઝરાયલને સમર્થન આપનાર પર આક્રમણ?
મૌલાનાએ કહ્યું કે ઈઝરાયેલ જુલમ દ્વારા પેલેસ્ટાઈનમાં યથાસ્થિતિ બદલવાનો પ્રયાસ કરી રહ્યું છે. આ સાથે અલ-અક્સા મસ્જિદની સ્થિતિ બદલવાના પ્રયાસો પણ કરવામાં આવી રહ્યા છે. પાક નેતાએ કહ્યું કે જે લોકો વિકસિત દેશોની વકીલાત કરે છે, તેમના હાથ નિર્દોષ મહિલાઓ અને બાળકોના લોહીથી રંગાયેલા છે.
આઝાદી માટે કેમ લડી રહયા છે પેલેસ્ટિનિયનો?
ડૉન ન્યૂઝના અહેવાલ મુજબ, મૌલાનાએ તમામ મુસ્લિમ લોકો અને સંપ્રદાયોને પેલેસ્ટાઈનના સમર્થનમાં ખભે ખભા મિલાવીને ઊભા રહેવા કહ્યું હતું. પાકિસ્તાની નેતાએ કહ્યું કે પેલેસ્ટિનિયનો માત્ર તેમની જમીન માટે લડી રહ્યા નથી, પરંતુ મુસ્લિમ ઉમ્માની ફરજ નિભાવતા અલ-અક્સાની આઝાદી માટે પણ લડી રહ્યા છે.
