- પાકિસ્તાન રાષ્ટ્રીય બાળ અધિકાર આયોગે વિદેશ મંત્રાલયને લખ્યો પત્ર
- NCRC એ 4 બાળકોને તત્કાલ પરત લાવવાની માગ કરી
- સીમા હૈદરના પતિ ગુલામ હૈદર પાકિસ્તાનમાં છે
પાકિસ્તાનથી પોતાના બાળકો સાથે આવ્યા બાદ ગેરકાયદેસર રીતે ભારતમાં રહેતી સીમા હૈદરની મુશ્કેલીઓ વધી શકે છે. વાત એમ છે કે પાકિસ્તાન ચાઇલ્ડ રાઇટ્સ બોડીએ વિદેશ મંત્રાલયને એક પત્ર લખ્યો છે, જેમાં તેણે સીમા હૈદરના બાળકોને સુરક્ષિત પરત લાવવાની અપીલ કરી છે. પાકિસ્તાની મીડિયા અનુસાર સીમા હૈદરના પતિ ગુલામ હૈદર પણ હાલમાં પાકિસ્તાનમાં છે.
ગુલામ હૈદર બાળકોને માગી રહ્યો છે પરત
પાકિસ્તાન ચાઈલ્ડ રાઈટ્સ કમિશનએ સીમા હૈદરના ચાર બાળકોને તાત્કાલિક પરત કરવાની માગ કરી છે, જેઓ પોતાના પ્રેમી સચિન મીના સાથે લગ્ન કરવા માટે નેપાળ આવી હતી. આ પહેલા ગુલામ હૈદરે પીએમ મોદી પાસે બાળકોની પરત માગણી પણ કરી હતી. આટલું જ નહીં, ગુલામે પાકિસ્તાનના પીએમ શાહબાઝ શરીફને બાળકોને પરત લાવવા માટે એક વીડિયો સંદેશ જારી કર્યો હતો.
PUBG રમતી વખતે બંને મિત્રો બની ગયા હતા
પાકિસ્તાની નાગરિક સીમા હૈદરની PUBG રમતી વખતે ગ્રેટર નોઈડાના રહેવાસી સચિન મીના સાથે મિત્રતા થઈ હતી. સીમા હૈદરના પતિ ગુલામ હૈદર દુબઈમાં નોકરી કરે છે. આ પછી બંનેએ ઘણા દિવસો નેપાળમાં સાથે વિતાવ્યા. આ સમય દરમિયાન બંનેએ લગ્ન કરવાનું નક્કી કર્યું અને તેથી જ સીમા હૈદર તેના ચાર બાળકો સાથે ગેરકાયદેસર રીતે ભારત આવી. સીમા હૈદર ગયા વર્ષે મે મહિનામાં નેપાળ દ્વારા ભારતીય સરહદમાં ગેરકાયદેસર રીતે પ્રવેશી હતી અને ગ્રેટર નોઈડામાં સચિન મીના સાથે રહેવા લાગી હતી.
ઘર વેચીને સીમા સચિન પાસે આવી
ગુલામ હૈદરે જણાવ્યું કે તે સીમાની સલાહ પર જ સાઉદી અરેબિયામાં પૈસા કમાવવા આવ્યો હતો જેથી બાળકોનો સારી રીતે ઉછેર કરી શકાય. ત્યાંથી તે શરૂઆતમાં સીમાને દર મહિને 40 થી 50 હજાર રૂપિયા મોકલતો હતો. બાદમાં તેણે તેને મહિને 80 થી 90 હજાર રૂપિયા મોકલવાનું શરૂ કર્યું. સીમા ઘર ખરીદી શકે તે માટે તેણે તેને 13 લાખ રૂપિયા પણ મોકલ્યા હતા. સીમાએ ઘર પણ ખરીદ્યું. પરંતુ તેને વેચ્યા બાદ તે સચિન સાથે ભારત ગઈ હતી. એટલું જ નહીં સીમાએ ઘર વેચવાની હકીકત પણ સ્વીકારી લીધી છે.
ગયા વર્ષે ધરપકડ કરવામાં આવી હતી
જ્યારે પોલીસ અને તપાસ એજન્સીઓને આ વિશે ખબર પડી ત્યારે સીમા હૈદરની 4 જુલાઈ, 2023ના રોજ વિઝા વિના ભારતમાં પ્રવેશ કરવા બદલ ધરપકડ કરવામાં આવી હતી. સચિનને ગેરકાયદેસર ઇમિગ્રન્ટ્સને આશ્રય આપવાના આરોપમાં જેલમાં પણ મોકલવામાં આવ્યો હતો. જોકે બાદમાં બંનેને છોડી મુકવામાં આવ્યા હતા. ત્યારથી સચિન અને સીમા સાથે રહે છે. બંનેએ એકબીજા સાથે લગ્ન પણ કરી લીધા છે, ત્યારબાદ સીમા હૈદર ક્યારેક કરવા ચોથ તો ક્યારેક બીજી પૂજા કરતી વખતે વાયરલ થઈ રહી છે.
