પાકિસ્તાની ટિકટોકર ખરાબ રીતે થઈ ટ્રોલ, સેમીફાઈનલમાં ભારતના હારવાની પ્રાર્થના કરેલી

• ટિકટોકર થઈ ગઈ ટ્રોલ
  
• બિગબોસને લઈને કર્યો દાવો
  
• લોકોએ ચલાવ્યો કોમેન્ટનો મારો
  

તાજેતરમાં જ પાકિસ્તાની ટિકટોકર હરીમ શાહ એ સમયે ચર્ચામાં આવી હતી જ્યારે તેણે ભારતની હાર માટે પ્રાર્થના કરી હતી. પરંતુ સેમિફાઇનલમાં ભારત જીત્યું અને તેણીને ભારે ટ્રોલ કરવામાં આવી. હવે હરીમ શાહે નવો દાવો કર્યો છે કે બિગ બોસ 17ના આયોજકોએ તેમને બોલાવ્યા છે. યુઝર્સને આ પ્રકારનો સવાલ કરવા સમયે નેટિઝન્સે તેને આડેહાથ લીધી હતી.

ટીમ ઈન્ડિયાના ખેલાડીઓએ બુધવારે રમાયેલી ભારત અને ન્યુઝીલેન્ડ મેચમાં જીત મેળવી હતી. ટોસ જીતીને ભારતે પહેલા બેટિંગ કરવાનો નિર્ણય કર્યો અને પછી વિરોધી ટીમને 398 રનનો ટાર્ગેટ આપ્યો. પરંતુ ન્યૂઝીલેન્ડ 327 રનમાં ઓલઆઉટ થઈ ગયું અને ટીમ ઈન્ડિયાએ સેમીફાઈનલમાં જીત મેળવી. બીજી તરફ, મેચ પહેલા પાકિસ્તાની ટિકટોકરે પ્રાર્થના કરી હતી કે ભારત ફાઇનલમાં ન પહોંચે. પરંતુ તેની ઈચ્છા પૂરી ન થઈ અને તેને સોશિયલ મીડિયા પર પણ ખરાબ રીતે ટ્રોલ કરવામાં આવી.

આ પાકિસ્તાની ટિકટોકર બીજું કોઈ નહીં પણ હરીમ શાહ છે જે દરરોજ મોટા દાવા કરે છે. મેચના દાવા મામલે ખરાબ રીતે ટ્રોલ થયા બાદ હવે તેણે નવો દાવો કર્યો છે. તે કહે છે કે તેને ભારતના સૌથી મોટા રિયાલિટી શો ‘બિગ બોસ 17’ તરફથી આમંત્રણ મળ્યું છે. આવો જાણીએ હરીમ શાહે શું કહ્યું. હરિમ શાહે સોશિયલ મીડિયા પ્લેટફોર્મ X પર પોસ્ટ કર્યું. જેમાં તેણે કલર્સ ટીવીને ટેગ કરતી વખતે આ દાવો કર્યો હતો. તેણે લખ્યું, ‘બિગ બોસ 17 લોકોએ કોલ કર્યો છે. મારે જવું જોઈએ કે નહીં?’ આ પોસ્ટ પછી ઘણા યુઝર્સે તેને ફરીથી ટ્રોલ કર્યા હતા.

હરીમ શાહની પોસ્ટ પર એક યુઝરે કમેન્ટ કરી કે, ‘પ્લેનમાં તેલ નહીં હોય તો તમે કેવી રીતે આવશો?’ એક યુઝરે લખ્યું, ‘તમે નથી જાણતા. હું શપથ લઉં છું કે અમને ફરીથી શો જોવાનું મન થશે નહીં. એક યુઝરે કહ્યું, ‘આવો, અમારી પાસે પૂરતો લોટ છે.’ એક પાકિસ્તાની યુઝરે તો ત્યાં સુધી કહ્યું કે એટલે દૂર સુધી જાઓ કે પાછા જ ન આવતા.