અમેરિકામાં શનિવારે બે મહત્વના આયોજન કરવામાં આવ્યા હતી. રાષ્ટ્રપતિ ડોનાલ્ડ ટ્રમ્પનો જન્મદિવસ અને અમેરિકી સેનાની સ્થાપનાની 250 મી વર્ષગાંઠ. આ ઐતહાસિક દિવસની વોશિંગ્ટન ડીસીમાં સેનાની પરેડ સાથે ઉજવણી કરવામાં આવી. પણ આ સમારોહની વચ્ચે એક મોટો રાજનીતિક વિવાદ ત્યારે ઉભો થયો જ્યારે કોંગ્રેસ નેતા જયરામ રમેશે એવો દાવો કર્યો કે પાકિસ્તાની સેના પ્રમુખ જનરલ આસિમ મુનીરને પરેડમાં મબેમાન તરીકે આમંત્રિત કરવામાં આવ્યા. તેના પર વ્હાઈટ હાઉસને સફાઈ આપવી પડી.
ભવ્ય સેના પરેડમાં ટ્રમ્પ સહિત ઘણી હસ્તીઓએ આપી હાજરી
અમેરિકાની સેનાની સ્થાપનાની 250 મી વર્ષગાંઠ નિમિત્તે રાજધાની વોશિંગ્ટન ડીસીમાં એક વિશાળ સૈન્ય પરેડનું આયોજન કરવામાં આવ્યું હતું. આ પરેડમાં રાષ્ટ્રપતિ ડોનાલ્ડ ટ્રમ્પ સહિત ઘણી હાઈ-પ્રોફાઈલ અને સેનાના અધિકારીઓએ હાજરી આપી હતી. આ પરેડમાં 6000થી વધુ અમેરિકાના સૈનિક, 150થી વધુ બખ્તરબંદ સૌન્ય વાહન અને 50થી વધુ લડાકુ વિમાનનો સમાવેશ કરવામાં આવ્યો હતો. આ પરેડ પર 350 કરોડથી વધુ ખર્ચ કરવામાં આવ્યો હતો.
કોંગ્રેસના વરીષ્ઠ નેતા જયરામ રમેશે સોસિયલ મિડીયા પર પોસ્ટ કરતા જણાવ્યું હતું કે પાકિસ્તાની સેના પ્રમુખ જનરલ આસિમ મુનીરને અમેરિકાના સૌન્ય પરેડમાં વિશેષ અતિથીના રૂપમાં આમંત્રિત કરવામાં આવ્યા હતા. આ આમંત્રણને ભારત માટે એક મોટો ઝટકો ગણવામાં આવે છે. રવિવારે વ્હાઈટ હાઉસે આ અટકળો પર નિવેદન આપતા જણાવ્યું હતું કે સૈન્ય પરેડમાં કોઈ પણ વિદેશી સૈન્ય અધિકારીને આમંત્રિત કરવામાં આવ્યા નહોતા. આ વાત ખોટી છે.
