ઓનલાઈન પેમેન્ટ કરો, ડ્રગ્સની એક પડીકી ડિલિવર થઈ જાય

• દસ ગ્રામથી ઓછું ડ્રગ્સ હોય તો કેસ કરવામાં કાયદાકીય, વ્યવહારૂ અડચણોનો ગેરલાભ
• MD ડ્રગ્સના નશામાં માટે અનેક યુવતીઓનું શારીરિક શોષણ થતું હોવાનો તપાસમાં ઘટસ્ફોટ
  
• એમડી ડ્ર્ગ્સની પડીકી બજારમાં આશરે 2500ની આસપાસ મળી રહી છે
  

એમડી ડ્રગ્સના કેસ કરવાની સૂચના છતાં કાયદાકીય આંટીઘૂટીને પગલે દસ ગ્રામથી ઓછું ડ્રગ્સ હોય તો કેસ કરવામાં ડર અનુભવતી પોલીસના ડરનો ફાયદો ડ્રગ્સ પેડલરોએ ઉઠાવવાના ભાગરૂપે નવો કીમીયો શોધી કાઢયો છે. ડ્રગ્સ પેડલરો ઓનલાઈન પેમેન્ટ મેળવ્યા બાદ ડ્રગ્સની એક પડીકી લઈને ડિલીવરી કરવા નીકળે છે. પોલીસ પકડે તો પણ કેસ ના કરી શકે અને કદાચ કેસ થાય તો પણ આસાનીથી છૂટી જવાય તે માટે તરકીબ અજમાવવામાં આવી રહી છે. આમ, ડ્રગ્સના દૂષણ પર બ્રેક વાગવાની જગ્યાએ કાયદાની આંટીઘૂટી અને પોલીસને ડરને પગલે ડ્રગ્સ વેચાણનો ગ્રાફ સતત ઉંચકાઈ રહ્યો હોવાની ચર્ચાએ જોર પકડયું છે. કોલેજિયન યુવતીઓને મફતમાં ડ્રગ્સ સપ્લાય કરીને તેની આદી બનાવ્યા બાદ પેડલરો તેઓનું શારિરીક શોષણ શરૂ કરે છે. 2500થી 3000 હજારના ઉંચા ભાવે મળતું એમડી ડ્રગ્સ ખરીદી ના શકતી મધ્યમવર્ગીય યુવતીઓને ડ્રગ્સ સપ્લાયના ધંધામાં પણ આરોપીઓ લાવતા હોવાનો ઘટસ્ફોટ પોલીસ તપાસમાં થયો છે.

બદલાતી લાઈફ સ્ટાઈલની સાથે હવે અમદાવાદનું યુવાધન પણ એમડી (મેફીડ્રોન) ડ્રગ્સના રવાડે ચઢયું છે. એમાંય સૌથી વધુ એમડી ડ્રગ્સની રવાડે યુવતીઓ ચઢી ગઈ છે. એમડી ડ્ગ્સનું સેવન કર્યા બાદ આશરે સાતથી નવ કલાક સુધી નશો રહેતો હોય છે. જેમાં મોટાભાગ યુવતી સેકસ અને ફિંગર જાળવવા માટે નશાના રવાડે ચઢી જતી હોવાનું તપાસમાં ખૂલ્યું છે. તપાસનીશ એજન્સીઓ દ્વારા કરેલી તપાસમાં એવો ચોંકવનારો ખુલાસો થયો છે કે,એમડી ડ્રગ્સનું વેચાણ કરનાર પેડલરો યુપીઆઈ દ્વારા પેમેન્ટ લઈને તેમના માણસો મારફતે ડિલવરી કરવાનું ચાલુ કર્યું છે. જેના લીધે પોલીસ એક-બે પડીકીના કેસ કરતી નહીં હોવાથી નાણાં એમડી ડ્રગ્સ ખરીદી કરવાનું રોજ શક્ય નહી હોવાથી યુવતીઓ નશો કરવા માટે આડી લાઈને જતી રહેતી હોય છે.એમડી ડ્ર્ગ્સની પડીકી બજારમાં આશરે 2500ની આસપાસ મળી રહી છે. નશાના બંધાણી લોકો બપોર સુધીમાં એમડી ડ્રગ્સ બજારમાંથી ખરીદીને એસજી હાઈવેની આસપાસના વિસ્તારો, સિંધુ ભવન તેની આસપાસના ફાર્મ વગરે સ્થળોએ ગ્રૂપમાં બેસીને નશો કરતા હોય છે. નશાના કારોબારમાં હાલમાં એમડી ડ્ર્ગ્સનું સેવન સૌથી વધુ થઈ રહ્યુ છે. આ પછી વિદેશી ગાંજો, કોકેન અને દેશી ગાંજો વધુ વપરાશમાં છે.

NDPSની સ્પેશિયલ કોર્ટ ખરી પણ અન્ય કેસો ચાલે છે

એનડીપીએસની સ્પેશિયલ કોર્ટની રચના કરવા માટે નિર્દેશ આપ્યા છે પરંતુ એનડીપીએસના કેસો ઝડપી ચાલતા નથી. કારણ કે, એનડીપીએસની કોર્ટ પાસે એનડીપીએસ તથા અન્ય કેસો પણ ફાળવેલા હોય છે.જેના લીધે એનડીપીએસના કેસો ઝડપી ચાલતા નથી. છેલ્લા બે વર્ષમાં જ અમદાવાદ ક્રાઈમ બ્રાન્ચ દ્વારા 130થી વધુ એમડી ડ્રગ્સના કેસો કરવામાં આવ્યા હતા. પંરતુ ઝડપી કેસો ચાલતા નથી અને આરોપીઓ ટેમ્પરી જામીન મેળવીને નાસી જાય છે.

સેક્સ પાવર વધારવા માટે ડ્રગ્સનો ઉપયોગ વધ્યો

માલેતુજાર અને શ્રીમંત પરિવારની મહિલાઓ તેમજ યુવતીઓ સેક્સ પાવર વધારવા માટે પણ ડ્રગ્સનું સેવન કરે છે. એમડી ડ્રગ્સનું સેવન મોટે ભાગે યુવતીઓ કરતી હોવાનો ઘટસ્ફોટ પોલીસ તપાસ થયો છે. પોલીસે પેડલરો પાસેથી પકડેલા મોબાઈલ ફોનમાં મોટા ભાગના નંબરો યુવતીઓના નીકળ્યા હતા. આ નંબરો અંગે આરોપીઓની પૂછપરછ કરતા ઘટસ્ફોટ થયો હતો કે, તેઓ આ નંબરો ધરાવતી યુવતીઓને એમડી ડ્રગ્સ સપ્લાય કરતા હતા. મોટા ભાગના યુવક-યુવતીઓ એમડી ડ્રગ્સ લેવાથી સેક્સ પાવર વધતો હોવાની માન્યતાને પગલે તેનું સેવન કરતા હોવાનો ખુલાસો આરોપીઓએ કર્યો હતો. આ ઉપરાંત યુવતીઓ ફીગર જાળવવા માટે પણ નશાનું સેવન કરી રહ્યુનું બહાર આવ્યું છે.

20 ટકા કિસ્સામાં જ કાર્યવાહી થઈ રહી છે

અમદાવાદ સહિત ગુજરાતમાં એમડી ડ્રગ્સ સહિત નશીલા પદાર્થની પડીકીઓનું રોજ કરોડો રૂપિયાનું વેચાણ થઈ રહ્યું છે.આમ છતા પોલીસ કેસ કરવામાં પાછી પાની કરી રહી છેટ કારણ કે, નશીલા પદાર્થના કેસની તપાસમાં કોઈ ચુક રહી જાય તો અધિકારીની ટીકા થતી હોય છે. એક અંદાજ મુજબ પોલીસ ચોપડે માત્ર દસ થી વીસ ટકા જ કાર્યવાહી થાય છે.

હવે યુપીથી મોટાપાયે એમડી ડ્રગ્સનું અમદાવાદમાં વેચાણ

જમાલપુરમાંથી શહેજાદ તેજાબવાલાની ક્રાઈમ બ્રાન્ચે એમડી ડ્રગ્સ સાથે ધરપકડ કરીને જણાવ્યું હતું કે, મુંબઈ અને ગોવાથી મોટાપાયે એમડી ડ્રગ્સ લાવીને વેચાણ કરે છે. જો કે, ક્રાઈમ બ્રાન્ચના અધિકારીઓ મુંબઈ કે ગોવાના ડ્રગ્સ માફીયાઓ પકડયા હતા. આ પછી રાજસ્થાનથી મોટાપાયે એમડી ડ્ગ્સ લાવીને વેચાણ કરવામાં આવતુ હતી. જો કે, તે રાજસ્થાનની લાઈનની પોલીસને જાણ થઈ જતા હવે યુપીથી બસ અથવા પ્રાઈવેટ ગાડીમાં એમડી ડ્રગ્સ લાવીને વેચાણ કરવામાં આવી રહ્યુ છે. જો કે, પોલીસને નાના કેસોમાં કરવામાં રસ નહીં હોવાથી હાલમાં વેચાણ વધ્યુ છે.

મિલકત જપ્ત કરવાની NDPS એક્ટમાં સ્પષ્ટ જોગવાઈ

NDPSની કલમ 53 હેઠળ પોલીસ મથકના ઈન્ચાર્જ અને તપાસનીસ અધિકારીને સત્તા આપવામાં આવી છે કે, ગેરકાયદેસર રીતે ખરીદેલ મિકલત જપ્ત કરવાની રહેશે. મિલકત જપ્ત કરવુ શકય નહોય તો ફ્રીઝ કરવાની રહેશેઅને ફ્રીઝ કર્યા બાદ 48 કલાકમાં જ સક્ષમ અધિકારીને નકલ મોકલવાની રહેશે. ત્યારબાદ સક્ષમ અધિકારીએ 30 દિવસની અંદર ઓર્ડરની પુષ્ટિ કરવાની રહેશે.સક્ષમ અધિકારીએ 30 દિવસની અંદર ઓર્ડરની પુષ્ટિ કરવાની રહેશે. જો કે, મોટાભાગના કેસોમાં પોલીસ અધિકારી દ્વારા આરોપીઓની મિલકત જપ્ત કરવા માટે કોઈ કાર્યવાહી કરવામાં આવી નથી.