- પાકિસ્તાન ક્રિકેટ ટીમના મુખ્ય પસંદગીકારનું રાજીનામું
- ઈન્ઝમામ-ઉલ-હકનું મુખ્ય પસંદગીકાર પદ પરથ રાજીનામું
- હવે PCB એ પણ તેમનું રાજીનામું સ્વીકારી લીધું
ઈન્ઝમામ-ઉલ-હકે તાજેતરમાં પાકિસ્તાન ક્રિકેટ ટીમના મુખ્ય પસંદગીકાર પદ પરથી રાજીનામું આપ્યું હતું. હવે PCB એ પણ તેમનું રાજીનામું સ્વીકારી લીધું છે. આવી સ્થિતિમાં સૌથી મોટો સવાલ એ છે કે ઈન્ઝમામ બાદ મુખ્ય પસંદગીકાર પદની જવાબદારી કોને આપવામાં આવશે. ઈન્ઝમામે 30 ઓક્ટોબરે પોતાના પદ પરથી રાજીનામું આપી દીધું હતું, ત્યારબાદ આ પદ હજુ પણ ખાલી છે. વર્લ્ડકપ દરમિયાન ચીફ સિલેક્ટરનું પદ ખાલી રાખવું પણ પાકિસ્તાન ટીમ માટે નુકસાનકારક છે, આવી સ્થિતિમાં PCB જલ્દી જ આ પદની જવાબદારી કોઈને સોંપી શકે છે.
અબ્દુલ રઝાકે નામો સૂચવ્યા
ભૂતપૂર્વ પાકિસ્તાની ક્રિકેટર અબ્દુલ રઝાકે તાજેતરમાં જ PCBને એક દિગ્ગજ ક્રિકેટરનું નામ સૂચવ્યું હતું. અબ્દુલ રઝાકે આ ઓલરાઉન્ડર ખેલાડી શાહિદ આફ્રિદીનું નામ સૂચવ્યું અને કહ્યું કે તે મુખ્ય પસંદગીકાર માટે શ્રેષ્ઠ રહેશે. તેણે દાવો કર્યો હતો કે પાકિસ્તાન ક્રિકેટ બોર્ડ દ્વારા પૂર્વ પાકિસ્તાની કેપ્ટન શાહિદ આફ્રિદીને આગામી મુખ્ય પસંદગીકાર તરીકે નિયુક્ત કરવામાં આવી શકે છે. રઝાકે જિયો ન્યૂઝના કાર્યક્રમ ‘હારના મના હૈ’માં આ દાવો કર્યો હતો.
સેમીફાઈનલની રેસમાં પાકિસ્તાન
પાકિસ્તાનની ટીમ વર્લ્ડકપની સેમીફાઈનલની રેસમાં યથાવત છે. હાલમાં પાકિસ્તાન વર્લ્ડકપના પોઈન્ટ ટેબલમાં પાંચમા ક્રમે છે. જો ન્યુઝીલેન્ડ આજે શ્રીલંકા સામે હારી જાય અને પાકિસ્તાન તેની આગામી મેચ ઈંગ્લેન્ડ સામે જીતે તો પાકિસ્તાન સેમીફાઈનલમાં પ્રવેશ કરશે. આવી સ્થિતિમાં જો પાકિસ્તાન સેમીફાઈનલમાં પ્રવેશ કરે છે તો સેમીફાઈનલમાં ભારત અને પાકિસ્તાન વચ્ચે નજીકનો મુકાબલો જોવા મળી શકે છે. આ મેચ વર્લ્ડકપની સૌથી રોમાંચક મેચોમાંથી એક બની શકે છે.
