- ધોરાજી અને આસપાસના પંથકમાં વરસાદ
- ભારે ઉકળાટ બાદ ધીમીધારે વરસાદ શરૂ
- કચ્છ, દ્વારકા અને પોરબંદરમાં વરસાદી માહોલ
રાજકોટ જિલ્લાના ગ્રામ્ય પંથકમાં વરસાદ શરૂ થયો છે. જેમાં ધોરાજી શહેરમાં ધીમીધારે વરસાદ આવ્યો છે. તેમાં ધોરાજી અને આસપાસના પંથકમાં વરસાદ પડ્યો છે. જેમાં રાજકોટ જિલ્લાના ધોરાજીમા ધીમીધારે વરસાદ શરૂ થતા લોકોમાં ખુશીનો માહોલ જોવા મળ્યો છે. ધોરાજીમા વહેલી સવારથી જ વરસાદી માહોલ છવાયો છે.
ભારે ઉકળાટ બાદ ધીમીધારે વરસાદ શરૂ
ભારે ઉકળાટ બાદ ધીમીધારે વરસાદ શરૂ થતા ખેડૂતોમાં પણ વાવણી લાયક વરસાદની ખુશી જોવા મળી છે. ગુજરાતમાં વિધિવત રીતે ચોમાસાની શરૂઆત થઈ ગઈ છે. છેલ્લા ઘણાં દિવસોથી રાજ્યના વિવિધ ભાગોમાં વરસાદી માહોલ જામ્યો છે. સૌરાષ્ટ્રમાં સવારથી ધોધમાર વરસાદ પડ્યો હતો. દેવભૂમિ દ્વારકા અને ખંભાળિયામાં છ કલાકમાં સાડા નવ ઈંચ વરસાદ ખાબક્યો હતો. નોંધનીય છે કે, છેલ્લા 24 કલાકમાં 10 જિલ્લામાં વરસાદ પડ્યો છે.
કચ્છ, દ્વારકા અને પોરબંદરમાં વરસાદી માહોલ
હવામાન વિભાગની આગાહી પ્રમાણે વહેલી સવારથી કચ્છ, દેવભૂમિ દ્વારકા અને પોરબંદર જિલ્લામાં વરસાદી માહોલ જોવા મળી રહ્યો છે. કચ્છના માંડવીમાં 15 મિ.મી., દ્વારકામાં 5 મિ.મી. જ્યારે પોરબંદર અને ભાણવડમાં વરસાદી ઝાપટા પડ્યા હતા.
