- નેપાળમાં શુક્રવારે રાત્રે 6.4ની તીવ્રતાનો ભૂકંપ
- ભૂકંપનું કેન્દ્ર બેરેકોટમાં લોકોનો આબાદ બચાવ
- રુકુમ પશ્ચિમમાં 157થી વધુ લોકોના મોત થયાની વિગત
નેપાળમાં શુક્રવારે રાત્રે 6.4ની તીવ્રતાનો ભૂકંપ આવ્યો હતો. ભૂકંપનું કેન્દ્ર બેરેકોટમાં લોકોનો આબાદ બચાવ થયો છે. જ્યારે જિલ્લાના અન્ય ભાગો અને રુકુમ પશ્ચિમમાં 157 લોકોના મોત થયા છે.
નેપાળના જાજરકોટ જિલ્લામાં શુક્રવારના ઘાતક ભૂકંપના કેન્દ્રમાં આવેલા ગામ પાલિકામાં રહેતા તમામ લોકો ચમત્કારિક રીતે બચી ગયા હતા. અહીંથી ભૂકંપમાં કોઈના મોતના અહેવાલ નથી. જિલ્લાના અન્ય ભાગો અને પડોશી રુકુમ પશ્ચિમમાં ઓછામાં ઓછા 157 લોકો માર્યા ગયા હતા.
રામીદાંડા ગામમાં ભૂકંપનું કેન્દ્ર બિંન્દુ
નેશનલ સેન્ટર ફોર અર્થક્વેક મોનિટરિંગ એન્ડ રિસર્ચના જણાવ્યા અનુસાર શુક્રવારે 6.4ની તીવ્રતાનો ભૂકંપ આવ્યો હતો, જેનું કેન્દ્ર બેરેકોટ ગામ નગરપાલિકાના રામીદાંડા ગામમાં હતું. ઘરો અને સાર્વજનિક ઈન્ફ્રાસ્ટ્રક્ચરને વ્યાપક નુકસાન હોવા છતાં, શનિવાર સાંજ સુધી ગ્રામ્ય નગરપાલિકા વિસ્તારમાં કોઈ જાનહાનિ થઈ નથી.
‘ઘણા લોકો માને છે કે ભગવાને તેમને બચાવ્યા’
નગરપાલિકાના પ્રમુખ બીર બહાદુર ગિરીએ કહ્યું કે જ્યારે આપણે ખરાબ રીતે ક્ષતિગ્રસ્ત મકાનો જોઈએ છીએ, ત્યારે માનવું મુશ્કેલ છે કે આપણે બધાએ કેવી રીતે મૃત્યુને અવગણ્યું. તે દૈવી ભૂમિ છે અને ઘણા લોકો માને છે કે ભગવાને તેમને બચાવ્યા છે.
લોકો ખુલ્લામાં રહેવા મજબૂર
ગિરીએ કહ્યું કે આ વિસ્તારમાં અંદાજે 3500 ઘર છે. ભાગ્યે જ એવું કોઈ ઘર હશે જેને નુકસાન ન થયું હોય. લોકો ખુલ્લી જગ્યામાં રહેવા મજબૂર છે. તેમણે જણાવ્યું કે, ગામની નગરપાલિકાના પાંચ લોકો ઘાયલ થયા છે.
ભૂકંપની સ્થિતિને લઇ કેબિનેટ બેઠક યોજી
નેપાળ સરકારે ભૂકંપ પીડિતોની મદદ માટે પ્રયાસો શરૂ કર્યા છે. વડાપ્રધાન પુષ્પ કમલ દહલ પ્રચંડે રવિવારે કેબિનેટની બેઠક યોજી હતી. જેમાં ભૂકંપમાં માર્યા ગયેલા દરેક વ્યક્તિના પરિવારને તાત્કાલિક 2 લાખ રૂપિયા રોકડ આપવાનો આદેશ આપવામાં આવ્યો છે. ઇજાગ્રસ્તોને મફત તબીબી સારવાર આપવાનો પણ નિર્ણય લેવામાં આવ્યો છે.
