- લીડરશીપ સમિટમાં વડાપ્રધાન નરેન્દ્ર મોદીનું પ્રેરણાદાયી સંબોધન
- ‘રીશેપિંગ ઈન્ડિયા’થી ‘બિયોન્ડ ધ બેરિયર્સ’ સુધી વિકસિત ભારતની સફર
- સ્ટાર્ટઅપ્સમાં ભારત વિશ્વના ટોચના ત્રણ દેશોમાં સામેલ: પીએમ મોદી
વડાપ્રધાન નરેન્દ્ર મોદીએ આગામી વર્ષે લોકસભાની ચૂંટણીમાં ભાજપની આગેવાની હેઠળના NDAએ ગઠબંધનની સત્તા પર પાછા ફરવાનો વિશ્વાસ વ્યક્ત કર્યો હતો. જીતનો વિશ્વાસ વ્યક્ત કરતા તેમણે કહ્યું કે, “2024ની ચૂંટણીના પરિણામો મતભેદોથી પર હશે.” શનિવારે એક લીડરશીપ સમિટમાં વડાપ્રધાન મોદીએ કહ્યું હતું કે છેલ્લા નવ વર્ષમાં ભારતે અનેક અવરોધો તોડી નાખ્યા છે. તેમણે ભારપૂર્વક જણાવ્યું હતું કે દેશ આજે આત્મવિશ્વાસથી ભરેલો છે.
ચૂંટણીના પરિણામો બાધાઓથી ઉપર હશે
સમિટના વિષયોનો ઉલ્લેખ કરતા વડાપ્રધાન મોદીએ કહ્યું કે લગભગ 10 વર્ષ પહેલા, 2014માં ‘રીશેપિંગ ઈન્ડિયા’ની થીમથી લઈને 2019માં ‘શ્રેષ્ઠ ભવિષ્ય માટે ચર્ચા’ સુધીની મુસાફરી કરી છે. હવે 2023ની થીમ ‘બિયોન્ડ ધ બેરિયર્સ’ છે. તેમણે કહ્યું કે સામાન્ય રીતે ચૂંટણીના થોડા અઠવાડિયા પહેલા આવતા ઓપિનિયન પોલમાં દેશની જનતાના મૂડનો અંદાજ લગાવવામાં આવે છે, પરંતુ સંદેશ સ્પષ્ટ છે કે આ વખતે દેશની જનતા તમામ અવરોધોને તોડીને અમને સમર્થન આપશે. 2024ની ચૂંટણીના પરિણામો તમામ અવરોધોથી ઉપર હશે.
રમતગમત સહિત અનેક ક્ષેત્રોમાં અવરોધો તૂટયા
વડાપ્રધાન નરેન્દ્ર મોદી આગળ કહ્યું કે, “રીશેપિંગ ઈન્ડિયા’થી ‘બિયોન્ડ બેરિયર્સ’ સુધીની સફરે દેશના ઉજ્જવળ ભવિષ્યનો પાયો નાખ્યો છે. આ પાયા પર જ વિકસિત ભારત, સમૃદ્ધ ભારતનું નિર્માણ થશે.” પીએમ મોદીએ દાવો કર્યો કે તેમના કાર્યકાળ દરમિયાન સરકારની પહેલ ખૂબ અસરકારક રહી છે. તેમણે કહ્યું કે દેશમાં રમતગમત સહિત અનેક ક્ષેત્રોમાં અવરોધો તૂટયા છે.
અવરોધોની બહાર ભારત વિશે વાત કરો
વડાપ્રધાન મોદીએ કહ્યું, “લાંબા સમય સુધી, આપણે ભારતીયોએ અનેક અવરોધોનો સામનો કર્યો… આપણો દેશ જે ગતિએ આગળ વધવા સક્ષમ હતો તે રીતે આગળ વધી શક્યો નહીં. એક મોટો અવરોધ માનસિકતા હતી. 2014થી ભારત આ બાધા તોડવા માટે સખત મહેનત કરી રહ્યું છે.” માનસિકતા બદલવાનો દાવો કરતા પીએમ મોદીએ કહ્યું કે, “એટલે જ આજે આપણે અવરોધોથી પરે ભારત વિશે વાત કરી રહ્યા છીએ.”
સ્ટાર્ટઅપ્સમાં ભારત વિશ્વના ટોચના ત્રણ દેશોમાં સામેલ
ચંદ્રયાન-3 મિશનની સફળતાનો ઉલ્લેખ કરતા વડાપ્રધાને કહ્યું કે, આજે ભારત ચંદ્રના દક્ષિણ ધ્રુવ પર લેન્ડ કરી ગયું છે જ્યાં આજ સુધી કોઈ પહોંચી શક્યું નથી. આજે ભારત ડિજિટલ ટ્રાન્ઝેક્શનમાં નંબર વન બની ગયું છે. મોબાઈલ મેન્યુફેક્ચરિંગમાં ભારત અગ્રેસર છે. સ્ટાર્ટઅપના મામલે ભારતની ગણતરી વિશ્વના ટોચના ત્રણ દેશોમાં થાય છે. આજે ભારત જી-20 જેવા કાર્યક્રમોનું પણ આયોજન કરી રહ્યું છે.”
દરેક ભારતીય આત્મવિશ્વાસથી ભરેલો છે
વડાપ્રધાન નરેન્દ્ર મોદી વધુમાં કહ્યું કે માનસિકતાના અવરોધે દેશને આગળ વધતો અટકાવ્યો હતો. રાષ્ટ્રપિતા મહાત્મા ગાંધીના નેતૃત્વમાં દાંડી કૂચ દ્વારા આઝાદીની ચળવળ દરમિયાન લોકો એક થયા હતા. નવા ભારતની ભાવનાનો ઉલ્લેખ કરતા પીએમ મોદીએ કહ્યું, “આજે દરેક ભારતીય આત્મવિશ્વાસથી ભરેલો છે. દેશ પણ “કથિત અવરોધો”માંથી બહાર આવી રહ્યો છે.
