- UAEમાં UPI RuPay કાર્ડ સેવા થશે શરૂ
- UPI સેવા જીવન કાર્ડ નામથી થશે શરૂ
- UAE ને તેની પોતાની સ્થાનિક કાર્ડ સિસ્ટમ બનાવવામાં મદદ મળી શકશે
સંયુક્ત આરબ અમીરાત (UAE)ની બે દિવસની મુલાકાતે અબુધાબી પહોંચેલા મોદીએ કહ્યું કે, ભારતમાં જે ડિજિટલ ક્રાંતિ થઈ છે. તે તમે બધા જાણો છો. સમગ્ર વિશ્વમાં ડિજિટલ ઈન્ડિયાના વખાણ થઈ રહ્યા છે. અમે એ સુનિશ્ચિત કરવાનો પ્રયાસ કરી રહ્યા છીએ કે, UAEમાં રહેતા તમારા બધાને પણ આનો લાભ મળે.PM મોદીએ અબુ ધાબીમાં ભારતીય સમુદાયને સંબોધિત કરતા ભારતમાં ડિજિટલ ક્રાંતિની પ્રશંસા કરી હતી. તેમણે કહ્યું કે, આજે ડિજિટલ ઈન્ડિયા સમગ્ર વિશ્વમાં પ્રખ્યાત થઈ રહ્યું છે. આ દરમિયાન PM મોદીએ UAEના પ્રેસિડેન્ટ નાહયાન સાથે મળીને UPI RuPay કાર્ડ સેવા શરૂ કરી.
ભારતમા ડિજિટલ ક્રાંતિ
સંયુક્ત આરબ અમીરાત (UAE)ની બે દિવસની મુલાકાતે અબુધાબી પહોંચેલા મોદીએ કહ્યું કે, ભારતમાં જે ડિજિટલ ક્રાંતિ થઈ છે તે તમે બધા જાણો છો. સમગ્ર વિશ્વમાં ડિજિટલ ઈન્ડિયાના વખાણ થઈ રહ્યા છે. અમે એ સુનિશ્ચિત કરવાનો પ્રયાસ કરી રહ્યા છીએ કે યુએઈમાં રહેતા તમારા બધાને પણ આનો લાભ મળે. UAEમાં ટૂંક સમયમાં UPI સેવા શરૂ થવા જઈ રહી છે, જેનું નામ છે જીવન કાર્ડ.PM મોદી એ કહ્યું કે, અમે અમારું રુપી કાર્ડ UAE સાથે શેર કર્યું છે. આનાથી UAE ને તેની પોતાની સ્થાનિક કાર્ડ સિસ્ટમ બનાવવામાં મદદ મળી છે.
UAE સાથે દ્વિપક્ષીય રોકાણ કરાર
મોદીએ કહ્યું કે UPI ટૂંક સમયમાં UAEમાં લોન્ચ થવા જઈ રહ્યું છે. આ સાથે, UAE અને ભારતમાં ખાતાઓ વચ્ચે એકીકૃત રીતે ચૂકવણી કરવામાં આવશે. આની મદદથી તમે ભારતમાં તમારા પરિવારના સભ્યોને સરળતાથી પૈસા મોકલી શકશો.પીએમ મોદીએ UAEના પ્રમુખ નાહયાન સાથેની વાતચીતમાં કહ્યું કે આનંદની વાત છે કે આજે આપણે દ્વિપક્ષીય રોકાણ સંધિ પર હસ્તાક્ષર કરી રહ્યા છીએ. મને લાગે છે કે G20 દેશો માટે તે એક મોટી વાત હશે કે ભારત અને UAE મહત્વપૂર્ણ દિશામાં આગળ વધી રહ્યા છે.
ગયા વર્ષે કરાર થયો હતો
UAE લિન્કેજના ઇન્સ્ટન્ટ પેમેન્ટ પ્લેટફોર્મ (IIP) સાથે ભારતના યુનિફાઇડ પેમેન્ટ ઇન્ટરફેસ (UPI) અંગે ગયા વર્ષે જુલાઈમાં કરાર કરવામાં આવ્યો હતો. આ કરાર પર ભારતીય રિઝર્વ બેંક (RBI)ના ગવર્નર શક્તિકાંત દાસ અને સેન્ટ્રલ બેંક ઓફ UAE (CBUAE)ના ગવર્નર ખાલિદ મોહમ્મદ બાલામાએ હસ્તાક્ષર કર્યા હતા.
કયા દેશોમાં UPI ઉપલબ્ધ છે
તમને જણાવી દઈએ કે, આ પહેલા સોમવારે શ્રીલંકા અને મોરેશિયસમાં પણ UPI સેવા શરૂ કરવામાં આવી હતી. આધુનિક ડિજિટલ ટેક્નોલોજીના ક્ષેત્રમાં આને ઐતિહાસિક ગણાવતા પીએમ મોદીએ કહ્યું કે છેલ્લા બે વર્ષમાં ઘણા દેશોએ UPI દ્વારા પેમેન્ટ સ્વીકારવાનું શરૂ કર્યું છે. UAE ઉપરાંત ફ્રાન્સ, મોરેશિયસ, શ્રીલંકા, સિંગાપોર, ભૂતાન અને નેપાળમાં પણ UPI શરૂ કરવામાં આવ્યું છે.
