ગાંધીનગર
ગુજરાતમાં જૂની પેન્શન યોજના સહિતની પડતર માંગણીઓને લઈને કર્મચારીઓ સરકાર સામે લડત આપી રહ્યા છીએ રાજ્યના જુદા જુદા સરકારી ખાતા ના કર્મચારીઓ છેલ્લા કેટલાય સમયથી સરકાર સામે વિવિધ આંદોલનો કરીને પોતાના પ્રશ્નો હલ કરવા લડત લડી રહ્યા છે ગુજરાત રાજ્ય કર્મચારી મહામંડળ તથા ગુજરાત રાજ્ય સંયુક્ત કર્મચારી મોરચાના આદેશ અનુસાર ગત મહિનામાં સરકારી કર્મચારીઓએ કાળી પટ્ટી પહેરીને વિરોધ પ્રદર્શિત કર્યો હતો. આ સિવાય કર્મચારીઓ દ્વારા ગાંધીનગરમાં ધરણા પ્રદર્શન યોજી પેનડાઉન ચોકડાઉન કરીને પણ સરકારની નીતિઓ વિરોધ કરાઈ ચૂક્યો છે. એવામાં આવતીકાલે લોકસભામાં ચૂંટણી જાહેર થવાની શક્યતા છે. એની વચ્ચે આજે ગુજરાત રાજ્ય કર્મચારી સંયુક્ત મોરચો તેમજ ગુજરાત રાજ્ય પ્રાથમિક શિક્ષણ સંઘના નેજા હેઠળ મોટી સંખ્યામાં કર્મચારીઓ ઉમટી પડી વિધાનસભા તરફ કુચ કરતાં પોલીસે અટકાવ્યા હતા.
જૂની પેન્શન યોજના સહિતની પડતર માંગણીઓ લઈને રાજ્યના જુદા જુદા સરકારી ખાતા ના કર્મચારીઓ છેલ્લા કેટલાય સમયથી સરકાર સામે વિવિધ આંદોલનો કરીને પોતાના પ્રશ્નો હલ કરવા લડત લડી રહ્યા છે. તેમ છતાં સરકારના પેટનું પાણી નહીં હલતા આજે ફરીવાર કર્મચારીઓ મોટી સંખ્યામાં ગાંધીનગર ઉંમટી પડ્યા હતા. જૂની પેન્શન સ્કીમ, ફિક્સ પગાર પ્રથા નાબૂદ કરી કાયમી ભરતી કરવા, કેન્દ્રના ધોરણે પગાર પંચ, જીપીએફમાં કર્મચારીઓના 10 ટકા સામે સરકાર 14 ટકા રકમ જમા કરાવી સહિતના પડતરના પ્રશ્ને કર્મચારીઓએ ભારે સૂત્રોચાર કરી વિરોધ પ્રદર્શન કરી કર્યો હતો. એક તરફ લોકસભા ચૂંટણીની તારીખો જાહેર થવાની દરિયો ગણાઈ રહી છે એ પહેલા જ કર્મચારીઓમાં પડતર પ્રશ્નોનું નિરાકરણ ની માંગણી પ્રબળ બની છે. કર્મચારીઓ આજે મુખ્યમંત્રીને વ્યક્તિગત આવેદનપત્ર આપવા માટે મોટી સંખ્યામાં ઉંમટી પડી વિધાનસભા તરફ કૂચ કરી હતી જો કે કર્મચારીઓનો કાફલો વિધાનસભા તરફ આગળ વધી એ પહેલા પોલીસે અટકાવ્યો હતો એને કારણે કર્મચારીઓ અને પોલીસ વચ્ચે ઝપાઝપીના દ્રશ્યો સર્જાયા હતા. જ્યારે રાષ્ટ્રીય સંયુક્ત મોરચા દ્વારા ઓનલાઇન આંદોલનની પણ જાહેરાત કરવામાં આવી છે. એ મુજબ કર્મચારીઓ સેલ્ફી પાડીને સોશિયલ મીડિયામાં અપલોડ કરશે જે મુખ્યમંત્રીને સીધું પહોંચાડવામાં આવશે. કર્મચારીઓએ કહ્યું હતું કે આવતીકાલે ચૂંટણી જાહેર થવાની સંભાવના હોઈ, અમારા માટે આજની રાત કતલની રાત છે કે સરકાર અમારી માંગણી સ્વીકારે.
