- PM બેન્જામિન નેતન્યાહૂની પત્ની સારાએ પોપ ફ્રાન્સિસને લખ્યો પત્ર
- યહૂદીઓ સામેની ક્રૂરતાને અત્યાર સુધીની સૌથી ભયાનક ઘટના ગણાવી
- ફ્રાન્સિસને લખેલા પત્રમાં સારાએ યુદ્ધને રોકવામાં મદદની કરી અપીલ
ઈઝરાયેલના PM બેન્જામિન નેતન્યાહૂની પત્ની સારાએ પોપ ફ્રાન્સિસને પત્ર લખ્યો છે. તેણે યહૂદીઓ સામેની ક્રૂરતાને અત્યાર સુધીની સૌથી ભયાનક ઘટના ગણાવી હતી. નાતાલના પર્વ પર પોપ ફ્રાન્સિસને લખેલા પત્રમાં સારાએ યુદ્ધને રોકવામાં મદદની અપીલ કરી છે.
પોપ ફ્રાન્સિસને લખ્યો પત્ર શું છે ઉલ્લેખ?
પશ્ચિમ એશિયામાં ચાલી રહેલા હિંસક સંઘર્ષને કારણે સ્થિતિ એકદમ દયનીય છે. ઇઝરાયેલ અને હમાસ વચ્ચે અઢી મહિનાથી વધુ સમયથી ચાલી રહેલા યુદ્ધને કારણે 20 હજારથી વધુ લોકોના મોત થયા છે. આ અભૂતપૂર્વ માનવતાવાદી સંકટથી ચિંતિત, ઇઝરાયેલના વડા પ્રધાનની પત્ની સારા નેતન્યાહૂએ પોપ ફ્રાન્સિસને પત્ર લખ્યો છે. નાતાલની પૂર્વ સંધ્યાએ લખેલા પત્રમાં સારાએ પોપને હમાસ દ્વારા બંધક બનાવવામાં આવેલા બંધકોને મુક્ત કરવાની અપીલ કરી હતી. હમાસ હજુ પણ 129 પુરુષો, મહિલાઓ અને બાળકોને બંધક બનાવીને રાખે છે, એમ તેમણે દાવો કર્યો હતો.
IDFની હમાસ વિરુદ્ધ સતત કાર્યવાહી
ઈઝરાયેલ આર્મી (IDF) આતંકવાદી સંગઠન-હમાસ વિરુદ્ધ સતત કડક કાર્યવાહી કરી રહી છે. નેતન્યાહૂની પત્નીએ પોપ ફ્રાન્સિસને ગાઝામાં બંધક બનાવવામાં આવેલા નિર્દોષ નાગરિકોની બિનશરતી મુક્તિના મામલામાં તાત્કાલિક હસ્તક્ષેપની અપીલ કરી હતી. તેમણે કહ્યું કે હોલોકોસ્ટ પછી આ પ્રથમ વખત છે જ્યારે યહૂદીઓ સાથે આવી બર્બરતા કરવામાં આવી છે. વૈશ્વિક સમુદાયે તેની સામે એક થવાની જરૂર છે.
78 દિવસ બાદ પણ 129 બંધકોને મુક્ત કર્યા નથી
78 દિવસ પછી પણ 129 બંધકોને છોડવામાં આવ્યા નથી. જેમાં પુરુષો, સ્ત્રીઓ અને બાળકો પર આચરવામાં આવેલી નિર્દયતાનો ઉલ્લેખ કરતા તેમણે કહ્યું કે હમાસે બિનઉશ્કેરણી વિનાના હુમલા દરમિયાન નિર્દોષ નાગરિકોની હત્યા કરી છે. પીએમ નેતન્યાહૂની પત્ની સારાએ કહ્યું કે હુમલાને 78 દિવસ વીતી ગયા છે અને હજુ પણ 129 બંધકોને છોડવામાં આવ્યા નથી. ઘણા બંધકો ગંભીર સ્વાસ્થ્ય સમસ્યાઓથી પીડાય છે. તેણે 24 ડિસેમ્બરે લખેલા પત્રની કોપી પણ તેના ઈન્સ્ટાગ્રામ હેન્ડલ પર શેર કરી હતી.
