સોનમ અને રાજા રઘુવંશી લગ્ન બાદ શિલોંગ હનીમૂન પર ગયા હતા અને ત્યાં રાજા ની સોપારી આપીને હત્યા કરી નંખાઈ છે. આ પ્રકરણની મુખ્ય આરોપી તેની પત્ની સોનમ અને તેના પ્રેમી રાજ કુશવાહ અને અન્ય આરોપીઓની ધરપકડ કરાઇ છે. મેઘાલય પોલીસ આ સોપારી હત્યાકાંડની તપાસ કરી રહી છે અને આરોપીઓને શિલોંગ લઈ જવા ઈન્દોર એરપોર્ટ પહોંચી ત્યારે એક મુસફરે આરોપીઓને તમાચા મારી દીધા હતા.
રાજાના કથિત હત્યારાઓને ઇંદૌરથી શિલોંગ લઈ જવામાં આવી રહ્યા હતા ત્યારે એરપોર્ટ ઉપર કેટલાક મુસાફરો પૈકી એક જણાએ એક આરોપી ઉપર હુમલો કર્યો હતો. આ થપ્પડ સાથેના હુમલાની ઘટના કેમેરામાં કેદ થઈ ગઈ હતી.
મધ્યપ્રદેશના લોકોમાં રોષ
મધ્યપ્રદેશના ઇંદૌરના ટ્રાન્સપોર્ટ વ્યવસાયી રાજા રઘુવંશીની 9 મી જુને શિલોંગમાં હત્યા કરી દેવાઈ હતી. લગ્ન બાદ હનીમૂન ઉપર પત્ની સોનમ સાથે ત્યાં ગયા હતા અને સોનમે તેના પ્રેમી રાજ કુશવાહ સાથે મળીને સોપારી આપીને રાજાને મોતને ઘાટ ઉતાર્યો હતો. આ કોન્ટ્રેક્ટ કિલિંગના આરોપીઓને ઇન્દોરથી પકડીને મેઘાલય પોલીસ શિલોંગ લઈ જતી હતી. દરમિયાન એરપોર્ટ ઉપર મુસાફરે એક આરોપીને થપ્પડ મારી દીધી હતી. ઉલ્લેખનીય છે કે, રાજ્યની હત્યથી મધ્યપ્રદેશમાં રોષ છે અને મુખ્યમંત્રી મોહન યાદવે સીબીઆઇની તપાસની માગણી કરી છે.
5 આરોપી પકડાયા છે
રાજ કુશવાહ, આકાશ રાજપૂત અને વિશાલ ચૌહાણને ઈન્દોરથી પકડવામાં આવ્યા છે. જ્યારે રાજાની પત્ની અને હત્યાકાંડની મુખ્ય આરોપી એવી સોનમ પકડાઈ ગયા બાદ તેને અગાઉથી શિલોંગ લઈ જવાઈ છે. અન્ય એક આરોપી આનંદ કુર્મીને સાગર જિલ્લામાંથી પકડી લેવાયો હતો.
