- CAAને લઇને રાજસ્થાન સરકારનો યુટર્ન
- ભજનલાલ સરકારે CAA વિરુદ્ધ અરજી પરત લેવા કરી અરજી
- અશોક ગેહલોત સરકાર દ્વારા દાખલ કરવામાં આવી હતી અરજી
CAAને લઇને રાજસ્થાન સરકારનો યુટર્ન જોવા મળ્યો છે. રાજસ્થાનની ભજનલાલ સરકારે CAA વિરુદ્ધ સુપ્રીમ કોર્ટમાં અશોક ગેહલોત સરકાર દ્વારા દાખલ કરવામાં આવેલી અરજી પાછી ખેંચવાનો નિર્ણય લીધો છે. રાજસ્થાનની ભજનલાલ સરકાર સુપ્રીમ કોર્ટમાં નાગરિકતા સંશોધન કાયદા (CAA)નો વિરોધ કરશે નહીં. તમને જણાવી દઈએ કે તાજેતરમાં જ કેન્દ્ર સરકારે સમગ્ર દેશમાં CAA કાયદો લાગુ કર્યો છે.
CAA વિરુદ્ધની અરજી પરત લેવા કરી અરજી
મહત્વનું છે કે તત્કાલીન અશોક ગેહલોત સરકારે કેન્દ્ર સરકારના નાગરિકતા સંશોધન કાયદા વિરુદ્ધ સુપ્રીમ કોર્ટમાં અરજી દાખલ કરી હતી. પરંતુ હવે વર્તમાન ભજનલાલ શર્મા સરકારે આ અરજી પાછી ખેંચવા માટે સુપ્રીમ કોર્ટમાં અરજી કરી છે અને કહ્યું છે કે તે આ કાયદાનો વિરોધ નહીં કરે. રાજસ્થાન સરકારના એડિશનલ એડવોકેટ જનરલ શિવમંગલ વતી સુપ્રીમ કોર્ટમાં CAA વિરુદ્ધ દાખલ કરવામાં આવેલી અરજી પાછી ખેંચવા માટે અરજી દાખલ કરવામાં આવી છે.
