રાજીવ મોદીના ગુનામાં તપાસ પોલીસના ઉચ્ચ અધિકારીઓને કરશે !

બહુચર્ચિત કેડિલાના સીએમડી રાજીવ મોદી પર લાગેલા જાતિય સતામણીના કેસને લઈને ગુજરાત હાઇકોર્ટમાં સુનાવણી હાથ ધરવામાં આવી છે. જેમાં ગુજરાત હાઇકોર્ટે સીઆરપીસી કલમ 156 (3) મુજબ સમગ્ર મામલે તપાસ માટેના આદેશ આપ્યા છે. આ કેસમાં હવે DIG કક્ષાના અધિકારીને તપાસ કરવા માટે કોર્ટ તરફથી આદેશ કરવામાં આવ્યો છે.

અમદાવાદની જાણીતી ફાર્મા કંપની કેડિલાના સીએમડી રાજીવ મોદી વિરૂધ્ધ ખુદ તેમની પર્સનલ આસિસ્ટન્ટ તરીકે કામ કરતી મૂળ બલ્ગેરિયાની યુવતીએ જાતીય સતામણી સહિતની ગંભીર કલમો હેઠળ ફરિયાદ નોંધવા માટે ગુજરાત હાઇકોર્ટમાં રિટ અરજી દાખલ કરી હતી. જેમાં પીડિતાના વકીલે જણાવ્યું હતું કે, હાઇકોર્ટે 156(3)ની મેટરને ફરીથી જોવાનું કહ્યું છે આ સાથે DIG કક્ષાના અધિકારીને તપાસ કરવા માટે કહેવામાં આવ્યું છે.

તેમજ આ આખા કેસમાં સિનિયર IPS અધિકારી હેઠળ તપાસ કરવાનું કહ્યું છે. તપાસ દરમિયાન જે કોઈ પોલીસ અધિકારી સામે આક્ષેપ કરવામાં આવ્યા છે તે અંગે પણ તપાસ કરવામાં આવે એમ હાઇકોર્ટે જણાવ્યું હતું. આ મામલે સતત હાઇકોર્ટ દ્વારા મહત્વની ટકોર કરવામાં આવી છે.

કેડિલાના સીએમડી રાજીવ મોદી પર થયેલા જાતિય સતામણીના કેસને લઈને ગુજરાત હાઇકોર્ટમાં સુનાવણી થઈ હતી. જેમાં મહિલા પોલીસ મથકના સીસીટીવી ફૂટેજ નહીં હોવાનું સરકારે સોગંદનામુ કર્યું હતું. જેમાં ટેક્નિકલ અને આર્થિક કારણોસર CCTV રેકોર્ડિંગ ઉપલબ્ધ ન હોવાનો ઉલ્લેખ કરવામાં આવ્યો હતો. સરકાર દ્વારા કરવામાં આવેલા સોગંદનામાં કહેવાયું કે એક જ મહિના સુધી CCTV સંગ્રહી શકાય છે. ઓવરરાઇડ થઈને પછી નવું રેકોર્ડિંગ થાય છે જેથી તે સમયના ફૂટેજ ઉપલ્ધ નથી.

અમદાવાદની જાણીતી ફાર્મા કંપની કેડિલાના સીએમડી રાજીવ મોદી વિરૂધ્ધ ખુદ તેમની પર્સનલ આસીસ્ટન્ટ તરીકે કામ કરતી મૂળ બલ્ગેરિયાની યુવતીએ જાતીય સતામણી સહિતની ગંભીર કલમો હેઠળ ફરિયાદ નોંધવા માટે ગુજરાત હાઇકોર્ટમાં રિટ અરજી દાખલ કરી હતી.