- ફૂડ પોસ્ટ નામના રેસ્ટોરન્ટમાંથી જીવાત વાળો 45 કિલો લોટ મળી આવ્યો
- અન્ય સ્થળેથી 100 વાસી કેન્ડી અને 21 કિલો વાસી માવા રબડીનો નાશ કરાયો
- હાઈજેનિક કન્ડિશન જાળવવા બાબતે તથા લાયસન્સ બાબતે નોટિસ આપવામાં આવી
રાજકોટ મહાનગરપાલિકા ફૂડ વિભાગ દ્વારા સર્વેલન્સ ચેકિંગ દરમિયાન ફૂડ પોસ્ટ, 150 ફૂટ રિંગ રોડ, અમીન માર્ગને છેડે, ગિરિરાજ હોસ્પિટલ સામે, રાજકોટની તપાસ કરતાં સ્થળ પર સ્ટોર રૂમમાં સંગ્રહ કરેલ જીવાત વાળો લોટ 45 કિ.ગ્રા., ફ્રિઝમાં રાખેલ સલાડ, ગ્રેવી 5 કિ.ગ્રા. તથા એક્સપાયરી થયેલ બેકરી પ્રોડક્ટસ 5 કિ.ગ્રા. વાસી અખાદ્ય જણાતા કુલ મળીને 55 કિ.ગ્રા. જથ્થો સ્થળ પર નાશ કરવામાં આવેલ તેમજ હાઈજેનિક કન્ડિશન જાળવવા બાબતે તથા લાયસન્સ બાબતે નોટિસ આપવામાં આવી હતી.
રાજ બ્રાન્ડ કેન્ડી વાસી અખાદ્ય જણાતા કુલ 100 નંગ પેકિગ સ્થળ પર નાશ કરાઇ
આ ઉપરાંત સર્વેલન્સ ચેકિંગ દરમિયાન સિટી આઇસ્ક્રીમ, આશરા ચેમ્બર, રૈયા રોડ, રાજકોટની તપાસ કરતાં સ્થળ પર ફ્રિઝમાં સંગ્રહ કરેલ એક્સપાયરી ડેટ વગર કે ઉત્પાદનની વિગતો દર્શાવ્યા વગરની પડતર રહેલ રાજ બ્રાન્ડ કેન્ડી વાસી અખાદ્ય જણાતા કુલ 100 નંગ પેકિગ સ્થળ પર નાશ કરવામાં આવેલ તેમજ લાયસન્સ બાબતે નોટિસ આપવામાં આવેલી છે. ઉનાળાની સિઝનને અનુલક્ષીને કરવામાં આવેલ આઈસ ગોલા વેચાણ કરતાં એકમોના ચેકિંગ ડ્રાઈવ અંગે ફૂડ વિભાગ દ્વારા નીચે મુજબની વિગતે દર્શાવેલ એકમોની તપાસ કરવામાં આવેલ તેમજ બરફ ગોલામાં ઉપયોગ કરવામાં આવતી પડતર રહેલ માવાની રબડીનો કુલ 21 કિ.ગ્રા. જથ્થો નાશ કરવામાં આવેલો તથા બરફ ગોલાના ફલેવર સીરપના કુલ -03 નમૂના લેવામાં આવેલ છે.
જાણો કઇ દુકાનામાં ચેકિંગ કરી નોટિસ ફટકારાઇ
1. આઝાદ હિન્દ ગોલાવાળા (ત્રિકોણ બાગ પાસે) -પડતર રહેલ માવાની રબડી 03 કિ.ગ્રા. નો નાશ તથા લાઇસન્સ મેળવવા બાબતે નોટિસ 2.રામ ઔર શ્યામ ગોલાવાલા (પેલેસ રોડ) – પડતર રહેલ માવાની રબડી 05 કિ.ગ્રા. નો નાશ તથા લાઇસન્સ મેળવવા બાબતે નોટિસ 3. ગાત્રાળ આઈસગોલા (બોલબાલા માર્ગ) – પડતર રહેલ માવાની રબડી 03 કિ.ગ્રા. નો નાશ તથા લાઇસન્સ મેળવવા બાબતે નોટિસ 4. રામ ઔર શ્યામ ગોલાવાલા (ભક્તિનગર સર્કલ, ભક્તિનગર રોડ)- પડતર રહેલ માવાની રબડી 05 કિ.ગ્રા. નો નાશ તથા હાઈજેનિક કન્ડિશન જાળવવા અંગે નોટિસ 5. રામ ઔર શ્યામ ગોલાવાલા (વીરભગતસિંહ શોપિંગ સેન્ટર, કોઠારીયા રોડ)- પડતર રહેલ માવાની રબડી 05 કિ.ગ્રા. નો નાશ તથા લાઇસન્સ મેળવવા બાબતે નોટિસ આપવામાં આવેલ છે.
