ખાખીએ મહેકાવી માનવતા: રાજકોટ પોલીસે દાતાઓ સાથે મળીને 400 ધાબળાઓનું વિતરણ કર્યું.

અગ્ર ગુજરાત, રાજકોટ

ત્યારે રાજકોટના ACP જયવીર ગઢવી જણાવ્યું હતું કે આપણે તો અત્યારે પાકા મકાનમાં રહીએ છીએ.તો પણ આપણને ઠંડી લાગે છે.ત્યારે ઝુંપડપટ્ટીમાં રહેતા લોકો અને જે લોકોને જરૂરિયાત આ ઠંડીના કારણે ઘણા પરેશાન હોય છે.ત્યારે જે દાતાઓ હોય છે તેની સહાયથી અમે જે ઝુંપડપટીના વિસ્તારમાં લોકો રહે છે તેઓને 400 જેટલા ધાબળાઓનું વિતરણ કર્યું હતુ. અને હજુ પણ વધારે ધાબળાઓનું વિતરણ કરશે.આજીડેમ સહીત ઝૂંપડપટ્ટીઓ જ્યાં પણ હોઈ ત્યાં જઈ ને આ ધાબળાઓનું વિતરણ કરવામાં આવ્યું હતું. આ તકે પોલીસ અધિકારીએ જણાવ્યું હતું કે મને એક કવિતા યાદ આવે છે કે ભૂખ્યાં જનોનો જઠરાગ્નિ જાગશે; ખંડેરની ભસ્મકણી ન લાધશે!બસ તમારે કંઈક કરવાની ઈચ્છા હોય તો તમે ઝુંપડપટ્ટીમાં રહેતા લોકોની મદદ કરી શકો છો.કારણ કે આ ઠંડી જેવી ઋતુમાં આ લોકોનું જીવન ખુબ મુશ્કેલ ભરેલું હોય છે.ત્યારે પોલીસની આ કામગીરી ખુબ જ સરાહનીય છે અને લોકો પણ પોલીસના વખાણ કરી રહ્યાં છે.