રતન ટાટાને કાર નીચે કચડી નાખીશું,પોલીસને અજાણ્યા કોલમાંથી ધમકી મળતા તંત્ર એલર્ટ

કોલર ઓળખાયોપુનેનો માનસિક દર્દી યુવાન હોવાનું ખૂલ્યું

દેશના જાણીતા ઉદ્યોગપતિ રતન ટાટાને કારથી મારી નાખવાની ધમકી આપતાં ચકચાર મચી છે. કર્ણાટકના એમબીએના સ્ટૂડન્ટે રતન ટાટાને ધમકી આપી હતી કે તેમના હાલ પણ સાયરસ મિસ્ત્રી જેવા કરવામાં આવશે. ઉલ્લેખનીય છે કે સાયરસ મિસ્ત્રીનું રોડ એક્સિડન્ટમાં મોત થયું હતું. હવે આ મામલે પોલીસે ધમકી આપનારની ઓળખ કરી લીધી છે અને તે કર્ણાટકનો રહેવાશી છે અને તેણે જ ધમકી આપી હતી. પોલીસે ફોન કરનારનું લોકેશન ટ્રેસ કરીને તેની ઓળખ કરી લીધી છે. કોલર પુણેનો હોવાનું કહેવાય છે અને તે સ્કિઝોફ્રેનિઆથી પીડિત છે. તેની પાસે એમબીએની ડિગ્રી પણ છે. કોલનું લોકેશન કર્ણાટકમાં મળી આવ્યું છે.

કોલ આવતા જ પોલીસ સક્રિય થઈ, ટાટાની સુરક્ષા વધારી

પોલીસ પાસેથી મળતી માહિતી પ્રમાણે ફોન કરનારે રતન ટાટાની સુરક્ષા વધારવાનું કહ્યું હતું. તેમણે કહ્યું કે જો આમ નહીં થાય તો તેમનું ભાગ્ય સાયરસ મિસ્ત્રી જેવું જ હશે. ફોન આવતા જ પોલીસ સક્રિય થઇ ગઇ હતી અને ટાટાની સુરક્ષા માટે ખાસ ટીમ તૈનાત કરી દેવામાં આવી હતી.

બીજી ટીમને ફોન કરનારની ઓળખ શોધવાનું કામ સોંપવામાં આવ્યું હતું. ટીમે તકનીકી સપોર્ટ અને ટેલિકોમ સર્વિસ પ્રોવાઇડરની મદદથી કોલરને શોધી કાઢ્યો. કોલરનું લોકેશન કર્ણાટકમાં શોધી કાઢવામાં આવ્યું છે. તે મહારાષ્ટ્રના પુણે શહેરનો રહેવાસી છે. માહિતી મળ્યા બાદ પોલીસ તે વ્યક્તિના ઘરે પહોંચી હતી. અહીં જાણવા મળ્યું હતું કે, તે છેલ્લા પાંચ દિવસથી ગુમ છે. તેની પત્નીએ ભોસરી પોલીસ સ્ટેશનમાં ફરિયાદ નોંધાવી હતી. તે સ્કિઝોફ્રેનિયાથી પીડાતો હતો ત્યાર બાદ પોલીસે તેની સામે કાયદેસરની કાર્યવાહી નહીં કરવાનો નિર્ણય લીધો છે.

સાયરસ મિસ્ત્રીનું કાર એક્સિડન્ટમાં થયું હતું મોત

ઉલ્લેખનીય છે કે ટાટાના પૂર્વ સીઈઓ સાયરસ મિસ્ત્રીનું કાર એક્સિડન્ટમાં મોત થયું હતું. રતન ટાટાનું કાર એક્સિડન્ટમાં મોત નીપજાવવાની ધમકી આપવામાં આવી છે. હવે આ ધમકી મળતાં એવો સવાલ ઊભો થયો કે શું સાયરસ મિસ્ત્રી પર જાણીજોઈને કાર ચઢાવી દેવામાં આવી હતી. દેશના જાણીતા ઉદ્યોગપતિઓમાંના એક સાયરસ મિસ્ત્રીનું (Cyrus Mistry) ૪ સપ્ટેમ્બરે બપોરે એક માર્ગ અકસ્માતમાં અવસાન થયું હતુલાખની કિંમતની તેમની મર્સિડીઝ  જીએલસી ૨૨૦  ડી૪  મેટિકમાં અમદાવાદથી મુંબઈ જઈ રહ્યા હતા. મર્સિડીઝની GLC 220d સિરીઝની આ કાર તમામ સુરક્ષા સુવિધાઓથી સજ્જ હતી અને તેમાં સાત એરબેગ્સ પણ હતી. આમ છતાં માર્ગ અકસ્માતમાં સાયરસ મિસ્ત્રીનો જીવ બચી શક્યો ન હતો.