IPL 2025માં ફાઇનલ મેચમાં પંજાબને 6 રનથી હરાવીને વિરાટ કોહલીની ટીમ RCB ચેમ્પિયન બની હતી. વિરાટ કોહલી માટે આ ખુબજ ભાવુક ક્ષણ હતી તે સ્વાભાવિક છે. કેમકે આ દિગ્ગજ ખેલાડીએ આ ક્ષણ માટે 18 વર્ષની રાહ જોઇ હતી.
વિરાટની જર્સીનો નંબર અને તારીખ સાથે ખાસ કનેક્શન
વિરાટ કોહલીની જર્સીનો નંબર 18 છે જ્યારે ફાઇનલ મેચ રમાઇ ત્યારે 03-06-2025 હતી એટલે કે તમે આ નંબરનો સરવાળો કરશો તો (0+3+0+6+2+0+2+5=18) તો 18 બની જશે. આ IPLની આ સીઝન પણ 18મી હતી. આમ એક સાથે 3 વસ્તુઓનો ગજબનો સંયોગ રચાઇ રહ્યો હતો. જે કોહલી માટે ખુબજ લકી સાબીત થયો.
શાનદાર રહી વિરાટ કોહલીની IPL 2025ની સફર
36 વર્ષના વિરાટ કોહલી માટે IPL 2025 શાનદાર રહ્યુ. તેણે આ સીઝનની 14 મેચમાં અત્યારે 146.54ના ગજબ સ્ટ્રાઇક રેટથી બેટિંગ કરીને 614 રન બનાવ્યા છે. આ દરમિયાન 63 ચોગ્ગા અને 19 સિક્સ ફટકારી હતી. આ સીઝન વિરાટ કોહલીએ 8 અર્ધશતક રમ્યા હતા. કોઇ બેટ્સમેને IPLમાં આટલી ફિફ્ટી મારી નથી.
વિરાટ કોહલીએ તેના સપનાને પૂરા કરવામાં 18 વર્ષ લીધા. 18 અંક સાથે વિરાટને એક ખાસ કનેક્શન છે. 18 નંબરની જર્સી પહેરનાર આ ખેલાડી 18 વર્ષથી પોતાની ટીમ અને સમર્થકો માટે ટ્રોફી જીતવાની રાહ જોઇ રહ્યો હતો જે ગઇ કાલે તેની રાહ પૂરી થઇ. સંયોગની વાત કરીએ તો IPLની આ 18મી સીઝન હતી અને 03-06-2025ને જોડીએ તો 18 થાય. 18 વર્ષે વિરાટનું સપનું સાકાર થયુ
ઇંદોરના છોકરાએ કેપ્ટન બની ચેમ્પિયન બનાવ્યા
આ પહેલા ટીમ ત્રણ વખત 2009, 2011 અને 2016માં ફાઇનલ સુધી પહોંચી હતી. આ વખતે નવા કેપ્ટન રજત પાટીદારે RCBની ટીમને એ કરી બતાવ્યુ જે અનિલ કુંબલે, ડેનિયલ વિટોરી અને વિરાટ કોહલી જેવા દિગ્ગજો ન કરી શક્યા.
IPLની ટ્રોફી પર હવે મુંબઇ ઇન્ડિયન્સ, ચેન્નઇ સુપર કિંગ્સ, કોલકત્તા નાઇટ રાઇડર્સ, ગુજરાત ટાઇટન્સ, સનરાઇઝર્સ હૈદરાબાદ, ડેક્કન ચાર્જર્સ અને રાજસ્થાન બાદ પોતાનું નામ અંકિત કરી દીધુ,
ફાઇનલ મેચમાં RCBએ પહેલા બેટિંગ કરીને 9 વિકેટ પર 190 રનનો સ્કોર ઉભો કર્યો અને વિરાટે સૌથી વધારે 43 રન બનાવ્યા. લક્ષ્યનો પીછો કરતી પંજાબની ટીમે સાત વિકેટના નુકસાને 184 રન બનાવ્યા અને ટ્રોફી ચુકી ગયા.
