મહારાષ્ટ્રના મુખ્યમંત્રી દેવેન્દ્ર ફડણવીસે મુંબઈમાં મુખ્યમંત્રીના સત્તાવાર નિવાસસ્થાન વર્ષા બંગલામાં રોહિત શર્માને મળ્યા. તેમને ટેસ્ટ ક્રિકેટમાંથી નિવૃત્તિ લેવા બદલ તેમને વ્યક્તિગત રીતે પણ અભિનંદન આપ્યા. ફડણવીસે હિટમેનની 2013 થી 2025 સુધીના 12 વર્ષના શાનદાર ટેસ્ટ કારકિર્દી માટે પ્રશંસા કરી.
આ બેઠકમાં, રાજ્ય સરકારે રોહિત શર્માના રમતગમત પ્રત્યેના સમર્પણ અને યોગદાનની પ્રશંસા કરી. ફડણવીસે રોહિત સાથેની મુલાકાતની તસવીરો પણ સોશિયલ મીડિયા પર શેર કરી.
સીએમ ફડણવીસે રોહિત શર્મા માટે કહી આ વાત
મહારાષ્ટ્રના સીએમ ફડણવીસે લખ્યું છે કે મારા સત્તાવાર નિવાસસ્થાન વર્ષા ખાતે ભારતીય ક્રિકેટર રોહિત શર્માનું સ્વાગત કરીને, તેમને મળીને અને તેમની સાથે વાત કરીને ખૂબ આનંદ થયો, મેં તેમને ટેસ્ટ ક્રિકેટમાંથી નિવૃત્તિ અને તેમની સફરના આગામી પ્રકરણમાં સતત સફળતા માટે શુભેચ્છાઓ પાઠવી.
ફેન્સે આપી પ્રતિક્રિયા
સીએમ ફડણવીસની આ પોસ્ટ પર ઘણા ફેન્સ અલગ અલગ પ્રતિક્રિયાઓ આપી. એક ફેને લખ્યું કે તેઓ મહારાષ્ટ્રના આગામી મુખ્યમંત્રી હશે. આ સિવાય અન્ય એક ફેન લખ્યું છે કે એવું લાગે છે કે તે રાજકારણમાં જોડાવા જઈ રહ્યો છે. આ સિવાય અન્ય એક યુઝરે એમ પણ લખ્યું કે રોહિત ભાવિ વડાપ્રધાન છે.
7 મેના રોજ, 38 વર્ષીય રોહિતે ટેસ્ટ ફોર્મેટમાંથી નિવૃત્તિની જાહેરાત કરી. ગયા વર્ષે T20Iમાંથી નિવૃત્તિ લીધા પછી, રોહિત ભારત માટે ફક્ત ODI માં એક્ટિવ ક્રિકેટર રહેશે. રોહિતે ઈન્સ્ટાગ્રામ પર પોસ્ટ કર્યું છે કે બધાને નમસ્તે, હું ટેસ્ટ ક્રિકેટમાંથી નિવૃત્તિ લઈ રહ્યો છું, વ્હાઈટ જર્સીમાં મારા દેશનું પ્રતિનિધિત્વ કરવું મારા માટે સન્માનની વાત છે. વર્ષોથી મળેલા પ્રેમ અને સમર્થન બદલ આભાર. હું ODI ફોર્મેટમાં ભારતનું પ્રતિનિધિત્વ કરતો રહીશ.
રોહિત શર્માનું વનડે ઈન્ટરનેશનલ કરિયર
273 મેચ, 1168 રન, 48.76 એવરેજ
32 સદી, 58 અડધી સદી, 92.80 સ્ટ્રાઈક રેટ
1045 ચોગ્ગા, 344 છગ્ગા, 9 વિકેટ
રોહિત શર્માનું ટેસ્ટ કરિયર
67 મેચ, 4301 રન, 40.57 એવરેજ
12 સદી, 18 અડધી સદી, 57.05 સ્ટ્રાઈક રેટ
473 ચોગ્ગા, 88 છગ્ગા, 2 વિકેટ
રોહિત શર્માનું T20 ઈન્ટરનેશનલ કરિયર
159 મેચ, 4231 રન, 32.05 એવરેજ
5 સદી, 32 અડધી સદી, 140.89 સ્ટ્રાઈક રેટ
383 ચોગ્ગા, 205 છગ્ગા, 1 વિકેટ
