રોહિત શર્માએ પત્ની રિતિકા સજદેહ માટે કરી પોસ્ટ, કેપ્શનમાં લખી સ્પેશ્યલ વાત

• રોહિત શર્માએ પત્ની રિતિકા સાથેની એક તસવીર શેર કરી
  
• માર્ક બાઉચરના નિવેદન પર રિતિકાએ કરી હતી કોમેન્ટ
  
• પોસ્ટ શેર કરતી વખતે રોહિતે લખ્યું, “હંમેશા મારી સાથે.”
  

ભારતીય ટીમના કેપ્ટન રોહિત શર્માએ શનિવારે ઈન્સ્ટાગ્રામ પર એક તસવીર શેર કરી છે. આ ફોટોમાં રોહિત તેની પત્ની રિતિકા સજદેહ સાથે જોવા મળી રહ્યો છે. રોહિત શર્મા હાલમાં ઈંગ્લેન્ડ સામેની ટેસ્ટ સિરીઝમાં ટીમની કમાન સંભાળી રહ્યો છે. હાલમાં જ મુંબઈ ઈન્ડિયન્સના હેડ કોચ માર્ક બાઉચર દ્વારા રોહિત શર્માને કેપ્ટનશિપ પરથી હટાવવા પાછળનું કારણ જણાવ્યું હતું, જેના પર રિતિકાએ ટિપ્પણી કરી હતી અને તેના નિવેદનથી રોહિત શર્મા અને મુંબઈ ઈન્ડિયન્સ ફ્રેન્ચાઈઝી વચ્ચે અણબનાવના સમાચારને અમુક અંશે યોગ્ય ઠેરવવામાં આવ્યા હતા.

માર્ક બાઉરના નિવેદન પર રિતિકાએ કરી હતી કોમેન્ટ

માર્ક બાઉચરે કહ્યું હતું કે, ‘મને લાગે છે કે તે સંપૂર્ણ રીતે ક્રિકેટિંગ નિર્ણય હતો. અમે વિન્ડો પીરિયડ પર નજર નાખી અને હાર્દિક પંડ્યાને પાછા લાવવા વિશે વિચાર્યું. મને લાગે છે કે આ સંપૂર્ણ રીતે ક્રિકેટિંગ નિર્ણય હતો, મને લાગે છે કે રોહિત એક ખેલાડી તરીકે પોતાનું સર્વશ્રેષ્ઠ આપવા સક્ષમ હશે. તેણે મેદાન પર જવું જોઈએ અને ટીમ માટે કેટલાક મોટા સ્કોર બનાવવો જોઈએ.” બાઉચરના આ નિવેદન પર રિતિકાએ કહ્યું હતું કે, ”તેમાં ઘણી બધી બાબતો ખોટી છે…”

રોહિત શર્માએ રિતિકાના કર્યા વખાણ

હવે રોહિત શર્માએ તેની પત્ની રિતિકા સજદેહ સાથે એક તસવીર શેર કરી છે. પોસ્ટ શેર કરતી વખતે રોહિતે લખ્યું, “હંમેશા મારી સાથે.” 2013માં રોહિત શર્માને મુંબઈ ઈન્ડિયન્સ ટીમનો કેપ્ટન બનાવવામાં આવ્યો હતો. તેમના નેતૃત્વમાં મુંબઈ ઈન્ડિયન્સની ટીમ પાંચ વખત ચેમ્પિયન બનવામાં સફળ રહી હતી. પરંતુ આ પછી પણ તેને ટીમના સુકાનીપદેથી હટાવીને હાર્દિક પંડ્યાને કેપ્ટન બનાવવામાં આવ્યો હતો.

હાર્દિકની કપ્તાનીમાં રમતો દેખાશે રોહિત શર્મા

રોહિત શર્મા અને હાર્દિક પંડ્યાએ કેપ્ટનશિપને લઈને કોઈ નિવેદન આપ્યું નથી અને એવું લાગે છે કે બંને આમને-સામને નથી આવ્યા. જો કે આવતા મહિને રોહિત શર્મા હાર્દિક પંડ્યાની કપ્તાનીમાં IPL રમશે અને થોડા મહિના બાદ હાર્દિક પંડ્યા રોહિત શર્માના નેતૃત્વમાં ભારતીય ટીમનું પ્રતિનિધિત્વ કરશે.