ચેરમેન આનંદ પટેલના આદેશથી ૫૪ લાભાર્થીઓના બાકી નીકળતા લાખો રૂપિયા પરત અપાયા

તંત્ર અને સાંસદ રામભાઇ મોકરીયાનો આભાર માનતા આવાસ લાભાર્થીઓ

અગ્ર ગુજરાત, રાજકોટ
છેલ્લા ઘણાં સમયથી રૂડા આવાસ યોજના અંતર્ગત શિવશકિત કો.ઓ.હાઉસિંગ સોસાયટીના ૫૪ લાભાર્થીઓને તેમના આવાસની કિંમત ઘટાડા પેટે આપવાના થતા અંદાજે રૂ.૫૪ લાખની રકમ કોઇને કોઇ કારણોસર તંત્ર આપવાનું પાછુ ઠેલતું હતું. પરંતુ મ્યુ.કમિશનર આનંદ પટેલ અને સાંસદ રામભાઇ મોકરીયાએ આ બાબતે અંગત રસ લઇ ગરીબ મધ્યમ વર્ગના લાભાર્થીઓના નાણા તાત્કાલીક ચુકવવા રૂડાના સંબંધીત અધિકારીઓને આપેલા આદેશનુ અંતે પાલન થતા આ આવાસ લાભાર્થીઓની દિવાળી સુધરી છે. ગઇકાલે મોટાભાગના લાભાર્થીઓને તેમની રકમ તેમના ખાતામાં ટ્રાનસફર અથવા ચેક દ્વારા આપવામાં આવતા આવાસ લાભાર્થીઓએ મ્યુ.કમિશનર આનંદ પટેલ તથા સાંસદ રામભાઇ મોકરીયાનો આભાર માન્યો હતો. પ્રથમથી જ આ બાબતે લોકઅવાજ બનેલા ‘અગ્ર ગુજરાત’નો પણ આવાસ લાભાર્થીઓએ ખાસ આભાર માન્યો હતો.રાજકોટના કાલાવડ રોડ ઉપર આવેલ રૂડા દ્વારા નિર્મિત આવાસ યોજના એટલે કે શિવ શક્તિ કો. ઓપરેટીવ હાઉસિંગ સર્વિસ સોસાયટી 192 રહેણાંક ફ્લેટનું આયોજીત ના અવાસ ધારકોને રૂડા દ્વારા આ આવાસ ની કિંમત ૨૪ લાખ માંથી ૬ લાખ ઘટાડીને કે ૧૮ લાખ રૂપિયા કરવાનો ઠરાવ તારીખ 14- 2 -2019 ના રોજ કરવામાં આવ્યો હતો.તેમજ તારીખ 12 -4 -2023 ના રોજ જુના 54 લાભાર્થીઓને મિટિંગ બોલાવીને આ 6 લાખ રૂપિયા તુરંત પરત કરવામાં આવશે તેવી બાહેધરી આપવામાં આવી હતી.

આ ૬ લાખ રૂપિયા અનેક રજૂઆતો છતાં રૂડા ઓફિસમાં અનેક પ્રયત્નો કરવા છતાં કોઈ ચોક્કસ નિરાકરણ ના આવતા સોસાયટીના સભ્યો અને પ્રમુખ દ્વારા સાંસદ રામભાઈ મોકરીયાને એ રજુઆત કરી હતી. તેમના દ્વારા મ્યુ.કમિશનરનું પણ ધ્યાન દોરવામાં આવતા મ્યુ.કમિશનર આનંદ પટેલે આ બાબતને સકારાત્મક રીતે લઇ રૂડાના સંબંધિત અધિકારીઓને આદેશ આપતાં પરિણામ આવ્યું છે. દિવાળી જેવા સારા તહેવારોમાં રૂડાના શિવ શક્તિ સોસાયટીઓના લાભાર્થી ના રૂ. 6 લાખ રૂપિયા દિવાળી પહેલા પરત આપી ને એક દિવાળીનું બોનસ કહી શકાય તેવા ખુશીના સમાચાર રૂડાના ચેરમેન આનંદ પટેલના પ્રયાસોથી આપવામાં આવ્યા છે.