ક્રિકેટર યુઝવેન્દ્ર ચહલ અને આરજે મહવશને લઈ ચર્ચાઓએ જોર પકડ્યું છે. ક્રિકેટરના છૂટાછેડા બાદ તેનું નામ આરજે મહવાશ સાથે જોડાઈ રહ્યું છે. બંને એકબીજાને દરરોજ મળતા હોય એવી માહિતી પણ સામે આવી રહી છે. એટલું જ નહીં, તેઓ સોશિયલ મીડિયા પર ખુલ્લેઆમ એકબીજા માટે પોસ્ટ્સ પણ શેર કરી રહ્યા છે તેથી ફેન્સને લાગી રહ્યું છે કે, યુઝવેન્દ્ર ચહલ હવે મહવશને ડેટ કરી રહ્યો છે. તો બીજી તરફ આરજે મહવશ આ સંબંધને ફક્ત મિત્રતા ગણાવી રહી છે.
ચહલ અને મહવશના ડિનર ડેટનો વીડિયો લીક
હવે ડેટિંગની અફવાઓ વચ્ચે યુઝવેન્દ્ર ચહલ અને આરજે મહવશનો એક નવો વીડિયો વાયરલ થયો છે. હવે તે બંને ડિનર ડેટ પર જોવા મળે છે. વીડિયોમાં આ રૂમર્ડ કપલ એક મોટા રેસ્ટોરન્ટમાં ક્વાલટી ટાઈમ સ્પેન્ડ કરી રહ્યું છે. યુઝવેન્દ્ર ચહલ અને મહવશ સામસામે બેઠા છે અને એકબીજા સાથે વાત કરી રહ્યા છે. બંનેને ખબર નથી કે કોઈ ગુપ્ત રીતે તેમનું રેકોર્ડિંગ કરી રહ્યું છે અને તેમના અંગત જીવનની આ ક્ષણોને સોશિયલ મીડિયા પર લીક કરી રહ્યું છે.
ચહલ અને મહવશનો આ વીડિયો સોશિયલ મીડિયા પર જોરદાર વાયરલ થઈ રહ્યો છે. જ્યારે યુઝવેન્દ્ર ચહલ અને આરજે મહવાશ વચ્ચે આ મુલાકાત થઈ રહી હતી ત્યારે આ વ્યક્તિ તે સ્થળ પર હોઈ શકે તેથી તેણ બંનેના ક્વાલિટી ટાઈમનો વીડિયો લઈ સોશિયલ મીડિયા પર શેર કર્યો છે. તેણે જાણી જોઈને બંનેને પોતાના કેમેરામાં રેકોર્ડ કર્યા અને ચર્ચાઓનું બજાર તેજ કરવા માટે આ વીડિયો લીક કર્યો હોઈ શકે. યુઝવેન્દ્ર ચહલ અને આરજે મહવશની બિંદાસ ડિનર ડેટનો વીડિયો હવે સોશિયલ મીડિયા પર વાયરલ થઈ રહ્યો છે. જેના પર ફેન્સ વિવિધ પ્રતિક્રિયાઓ આપી રહ્યા છે.
વીડિયો જોયા પછી ચાહકો ગુસ્સે થયા
આ વીડિયો જોઈને એક ચાહકે લખ્યું, ‘મહવાશ અને ચહલ પોતાના મુકામમાં છે, રીલ વાયરલ થાય તેવું કંઈ ન કરો.’ એકે લખ્યું, ‘તમે અંગત ક્ષણો કેમ બગાડી રહ્યા છો?’ શરમ આવવી જોઈએ. એક યુઝરે કહ્યું, ‘માફ કરશો ધનશ્રી, ખરું ફિક્સિંગ ચહલે કર્યું હતું.’ તો કોઈએ કહ્યું, ‘તેમને જમવા દો… કોઈ વાંધો નહીં, આપણે પણ ખાઈશું.’ કોઈએ તો એમ પણ કહ્યું, “કોઈને પરવા નથી.” યુઝવેન્દ્ર ચહલ વિરાટ કોહલી નથી. અમે જાણવા માંગતા નથી કે તે કોને ડેટ કરી રહ્યો છે. તમને જણાવી દઈએ કે, ક્રિકેટર યુઝવેન્દ્ર ચહલ અને ધનશ્રીના છૂટાછેડા થયા હતા. બંનેના છૂટાછેડાએ આખા દેશમાં ભારે હલચલ મચાવી હતી.
