રશિયા અને યુક્રેન વચ્ચે યુદ્ધ શરૂ થયાને 2 વર્ષથી વધુ સમય થઈ ગયો છે, તેમ છતાં આજે પણ આ યુદ્ધ અવિરત ચાલુ છે. આ દરમિયાન ફરી એકવાર રશિયાએ યુક્રેનના ખારકીવમાં રહેણાંક વિસ્તારોને નિશાન બનાવ્યા છે. આ રશિયન હુમલામાં 21થી વધુ લોકો ગંભીર રીતે ઘાયલ થયા છે. આ અઠવાડિયે રશિયા દ્વારા રાત્રે કરવામાં આવેલો આ સતત બીજો હુમલો છે.
રહેણાંક ઈમારતોને વિવિધ સ્તરે નુકસાન થયું
ખારકીવના સ્થાનિક ગવર્નર ઓલેહ સિનિહુબોવે જણાવ્યું હતું કે રશિયાએ શનિવારે રાત્રે યુક્રેનના ઉત્તર-પૂર્વમાં શેવચેન્કિવસ્કી જિલ્લામાં બોમ્બમારો કર્યો હતો. જે યુક્રેનનું બીજું સૌથી મોટું શહેર છે. તેમણે કહ્યું કે આ હુમલામાં રહેણાંક ઈમારતોને વિવિધ સ્તરે નુકસાન થયું છે, જેમાં 16 અને 9 માળની ઈમારતોનો સમાવેશ થાય છે. આ ઉપરાંત 7 અન્ય ઈમારતોને પણ નુકસાન પહોંચ્યું છે. ખારકીવની સિટી કાઉન્સિલે જણાવ્યું હતું કે 18 ઇમારતોને નુકસાન થયું છે.
રશિયન હુમલામાં 21 લોકો ઘાયલ
માહિતી આપતા સિનિહુબોવ અને ખારકીવના મેયર ઇગોર તેરેખોવે જણાવ્યું કે આ રશિયન હુમલામાં 21 લોકો ઘાયલ થયા છે, જેમાં એક આઠ વર્ષનો બાળક, બે 17 વર્ષના કિશોરો અને ઘણા વૃદ્ધોનો સમાવેશ થાય છે. તેરેખોવે જણાવ્યું હતું કે શુક્રવારે મોડી રાત્રે બીજા હુમલા બાદ હુમલો થયો હતો જેમાં 10 અને 12 વર્ષની વયના બાળકો સહિત 15 લોકો ઘાયલ થયા હતા. કહેવામાં આવી રહ્યું છે કે રશિયાના આ હવાઈ હુમલામાં ખારકીવના ત્રણ વિસ્તારોને નિશાન બનાવવામાં આવ્યા છે.
યુક્રેને 71 ડ્રોન તોડી પાડ્યા
યુક્રેનિયન અધિકારીઓના જણાવ્યા અનુસાર, બંને હુમલાઓમાં કેએબી પ્રકારના એર ગ્લાઈડ બોમ્બનો ઉપયોગ કરવામાં આવ્યો હતો, જે એક સોવિયેત હથિયાર છે. આ પહેલા આ હથિયારોનો ઉપયોગ પૂર્વી યુક્રેનમાં ઘણા મહિનાઓથી થતો હતો. યુક્રેનિયન વાયુસેનાનું કહેવું છે કે રશિયાએ રવિવારે રાત્રે યુક્રેન પર 80 ડ્રોન અને બે મિસાઈલ છોડી હતી. જેમાં યુક્રેને 71 ડ્રોન તોડી પાડ્યા હતા અને અન્ય 6 ડ્રોનનો નાશ કર્યો હતો.
